Estere 10:3 - Mawu a Mulluku

³ Ddawoona, Mordekai Muyudoolle aari aneepiilli wa mwene Ahasuwero. Aari muullupalli variyari va Ayuda navettho ookondiwa ni athu anchichi a nlloko naye vawi aanaweerella ddaphaama ni owaashella murendelle.

Estere 10:3 ပူးပေါင်းရင်းမြစ်များ

Nehemiya 2:10

Koma Sanibalati Muhoroni ni Tobiya oohoollella a Aamoni yiiwalliiwa wi muthu mmodda aawa aweerella Aisraele ddaphaama yaananariwana wunchichi.

Aroma 14:18

Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.

Aroma 10:1

Asinnaka ni arokoraka, kinnapaalla ni murimaaka muttheene nave kinnavekella wi athwaaka evullusiwe.

Daniele 5:29

Vano Belishazara aalamula wi Daniele emuwarihe ddoowara ddooreera ddoofiira ni ogufu wagolide munikohini. Vatulli wiwa yaallalleya wi akhalle oolamulella aneeraru mu ellapweeyo.

2 Epilli 28:7

Nave Zikiri muthu amasiva a o Efuremu aamwiipha Maaseiya mwaana a mwene ni Azirikamu enduna ya o enyumba yoomwene navettho Elikana aneepiilli mu omwene.

Genesis 41:40

Weyaano sika onaalamulelleke enyumbaaka yoomwene nave athwaaka attheene eneerekowiiwellella. Miyaano kinaakhalle muullupalli wa weyaano voomwenenive vaava.”

Daniele 5:16

Sika kohiiwa wi weyaano onnawora ottaphullella olloha navettho mawu ookhuweya. Weerenga malemba yaalla ni okilleella ottaphullella wiwa kineerewuuwariha ddoowara ddooreera ddoofiira ni ogufu wagolide munikohini mwawo nave onaakhalle oolamulella aneeraru mu ellapweella.”

Estere 3:2

Sika allupa mutteko attheene a mwene yaphara mutteko o enyumba yoomwene yaanamuvaha olemu voomukokhorella Hamanooyo vawi mwene sika alamulalle ddenndda. Koma Mordekai khaamukokhorella apaalle omuwaramella.

1 Samuele 23:17

Yonatani aamulleella Davide wi, “Ohoove, attiitthaaka khewiipha. Oneerokhalla mwene a Aisraele nave miyaano kineerokhalla aneepiilli wa weyaano. Attiitthaaka ennadduwellattho ddenndda.”

Daniele 6:3

Daniele ahooniwa mwawaakuva wi ttuuphara mutteko phaama okhwaranya oowehera akhwaaye ni enduna kaambiiwa olliye aari eezeru ddoowallamella. Sika mwene aaganizera ddawi Daniele akhalle oowehera omwene muttheene.

Genesis 45:10

Ttuuwora okhalla mu echigawo ya Gosheni wi mukaatamelle miyaano. Mukhalle wuno nyuwaano, aniinyu, edduullu ddanyu, enkhosa ddanyu ni epuri ddene, eng'ombe ddanyu ni ddittheddene muriinyuna.

Genesis 45:11

Mwaakhallaka o Gosheni, miyaano kineerekewuuweherani. Miyakha dda ettalla ddookhallavove mitthanu. Nginapaalla wi nyuwaano muhoowe ni nibanja nanyu ni attheene muriinyuna.’ ”

1 Samuele 18:16

Koma athu attheene a o Israele ni a o Yuda yaanamukonda Davide kaambiiwa aanaahoollella ni opambana va ddittheddene.

Estere 2:5

Vano mu Susa mwaakhalla Muyuda nnddina naye Mordekai, mwaana a Yairi, edduullu ya Simei mwaana a Kishi, a nlloko na Benjamini.