Estere 1:4 - Mawu a Mulluku

⁴ Va miyeri mitthanu ni mmodda mwenooyo aanooniha waata ni olemu wa eyuumaaye navettho oreera ni wunnuwa wa omwenaaye.

Estere 1:4 ပူးပေါင်းရင်းမြစ်များ

Yobu 40:10

Ddaarimi ddiri ddiiddo ireerihe ni omwene ni oriiheya, iwarihe weekha olemu wunchichi.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Aroma 9:23

Nave apaallattho wuupullulla waata wa ntitimiho naye, nno niithellelliwe va hiyaano aneerelleeye echifundo, ayo ekhoziwe moovallallella wi yaakhelle ntitimiho naye.

Mateyu 6:13

Muhinikuselle woweesiwa, koma munivulluse wa Oonanarooyo.

Mateyu 4:8

Vano Satana aamukusella Yesu vamwaangoni woorekamesesa navettho aamooniha moomwene mattheene a va ellapo yavatthi ni ntitimiho niwa,

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Daniele 4:36

Vano ezeru ddaka ddaahokollweelliiwamo omwene ni masivaaka muullupalli yaahokollowa, wi wooneye wunnuwa wa omwenaaka. Enduna ddaka ni uullupalli a akhotwaaka yaakaakhella moohakallalla. Kaakeraatthihiwattho mu omwenaaka nave masivaaka yahoonjerereya okhwaranya khalle.

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Ezekiele 28:5

Waaruuwiha eyuumaawo ekaamba ya ezeru ddawo ddooweetihella malonda nave oniitukhulla ekaamba ya eyuumaaweeyo.

Yesaya 39:2

Hezekiya aawaakhella athwaayo nave aawooniha enyumba yoosungellamo ddeko ddaye monga siliva, golide, makhura awunkhella oowallamella mutengo, makhura aphaama, ezida ddittheddene ddakhoto ni ddittheddene addisungeeye. Khamwaahanlle ello munyumbanimmo ni mu omwenaaye muttheene eyo ahiwoonihalleeye.

Masalimo 145:5

Kineeroganizera dda ntitimiho nanyu, dda omwenaanyu muullupalli, dda mitteko ddanyu ddoottikhiniha.

Masalimo 93:1

Apwiya sika mwene, alliwa aawara ntitimiho, aamakella masiva wonanko laamba. Yaakeraatthiha ellapo yavatthi, khewa etikheya.

Masalimo 45:3

Nyu amasiva, makellellani nsupada nanyu muyuununi, mu oriiheya wanyu ni ottekweenaanyu.

Masalimo 21:5

Mwaamupambaniha wi ariiheye wuullupalli, mwaamweeriha wi akhalle ni olemu muullupalli.

1 Epilli 29:25

Nave Apwiya yaamuvaha Solomoni olemu muullupalli variyari va Aisraele attheene. Yaamuvaha omwene oyo ohinavahiweke ovenyera khalle wa mwene mmodda mu Israele.

Estere 1:3

M'muyakhani waneeraru wa omwenaaye aakeraatthiha machellello a attekweenaaye attheene ni allupa muttekwaaye, akhoto uullupalli a o Persiya ni a o Mediya vamoddattho ni athu oovuwa ni enduna dda mu ezigawo ddaye.

Estere 1:5

Ddiviralle miyeerinnddo, mwene Ahasuwero aakeraatthihattho machellello nimodda ni athu attheene, athu oovuwa ni athu shisha, ookhalla mu muzinda wa Susa. Machellellwaalla yeereyelle va nthato na enyumba yoomwene va enthawi yookwakhwana mulungu mmodda.