Eksodo 9:29 - Mawu a Mulluku

²⁹ Mose aamwaakhulla wi, “Kakhumave m'muzindanimmu, kineerovekella wa Apwiya. Nave ogugudeya wa murimu ni marallalla ddineerohiya wi mudduwelle wi ellapo yavatthi ettheene tti ya Apwiya.

Eksodo 9:29 ပူးပေါင်းရင်းမြစ်များ

1 Akorinto 10:26

Vawi mawu a Mulluku enallota wi, “Ellapo yavatthi ni erive ello ya mwemmo tti ya Apwiya.”

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Masalimo 143:6

Kinnattaphurusella mattaaka wa nyuwaano, murimaaka onnavolliwa nthona nawuupaallani, mmo muneerella ellapo yawumma.

1 Mamwene 8:38

mwiiwe mavekellwiiwa. Arive muthu apaalle athwaanyu a Israele yadduwella ddookatamiha m'murimani mwiwa nave yavekella wa nyuwaano mootukhullella mattiiwa muddullu o enyumbeella,

1 Mamwene 8:22

Vano Solomoni ahiimella vahoollo va nikuwa na Apwiya, mutthukumano wa Aisraele attheene woonaka nave aatukhullella mattaaye muddullu.

Deuteronomo 10:14

Ngoonani, oddullu ni ddittheddene ddiri wenko, ellapo yavatthi ni ddittheddene ddiri mwemmo tti dda Apwiya Mullukwaanyu.

1 Akorinto 10:28

Koma muthu mmodda allota wa nyuwaano wi, “Ddoocha ddenndda ddaaheraatthiwa mukutho wa mafano,” vano muhiche ddoocha ddennddo, ekaamba ya oyo uulleelleni navettho ekaamba ya yawuupusella murima,

Masalimo 135:6

Erive ello Apwiya enapaalliiwa weera enneera oddullu ni va ellapo yavatthi, mu enyanja ni moowallamella mutthemwene.

Masalimo 50:12

Kaariki ni ettalla ngaawuulleelleni, vawi ellapo yavatthi ni ddittheddene dda mwemmo tti ddaaka.

Yobu 11:13

We Yobu, potokosa phaama murimaawo, tukhullella nnatta nawo wa Mulluku.

Ezara 9:5

“Va enthawi ya mukutho wa misikuwa, kaavenya mvo kakeraatthilleemi moomoriha ethakaraka kiwarille ddoowara ddaka ni mukanjwaaka ddawaahuwanndde kikokhora nave kitukhullella mattaaka wa Apwiya Mullukwaaka,

Eksodo 19:5

Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka.

Eksodo 9:33

Mose aavenyawo wa Farao wulle, akhuma m'muzindanimmo nave aavekella wa Apwiya. Vano ogugudeya wa murimu wulle ni marallallaalle ddaahiya navettho murimu aamwara.

Eksodo 8:22

Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella.

Eksodo 20:11

Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.

Eksodo 8:6

Sika Aroni aatthoonyihella ekopwaaye vamaaddini nave anaphullu yaakhuma eddalla ellapo ettheeneeyo.