Eksodo 9:16 - Mawu a Mulluku

¹⁶ Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Eksodo 9:16 ပူးပေါင်းရင်းမြစ်များ

Aroma 9:17

Vawi mawu a Mulluku wa Farao eni, “Kahuuvaha omwene wi koonihe masivaaka navettho kivuwihe epillaaka oweella mwa weyaano mu ellapo yavatthi ettheene.”

Miyambo 16:4

Apwiya yaaphatusa erive ello wi ekhalle ni yoolingiiwa naari athu oonanara wi yoone nllapo na ddookatamiha.

Masalimo 64:9

Sika athu attheene eneerewoova, eneerollota dda mitteko dda Mulluku, eneeroganizella nnddo eerilleeye.

1 Epilli 16:24

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

Eksodo 14:17

Kineerewummiha murima Aiguputwaayo, sika wi eneerewaathwara Aisraele. Nave vaweerani ddiiddo kineeromugonjiha Farao ni akhotwaaye, magaretaaye ni oowella va akavalo wi kititimihiwe.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

1 Petro 2:8

Nave mawu a Mulluku amodda eni, “Nna sika nlluku ninaakwakwatuwihe athu, nlluku nno ninaakuhe.” Moollikana ni opaalla wa Mulluku, yaakwakwatuwa kaambiiwa kheyiiwellelle mawu a Mulluku.

Aroma 9:22

Ella enaphwanaphwana ni nnddo Mulluku eerilleeye. Apaalla wi oonihe osha murima waye vamodda ni masivaaye. Nave aavillella ni waalleva wunchichi athu ayo yaamushihalle murima, oophwanella woonongiwa.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

1 Petro 2:19

Mulluku aneeroweerellani echifundo mwavillella ohoosiwa woohiphwanellella kaambiiwa munnadduwella opaalla waye.

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

1 Samuele 4:8

Niri mu ddoohoosa! Ttaani anaawore onivullusa wa milluku ddamasivanndda? Ddennddathi tti milluku nndde ddawiiphalle Aiguputo ni millilli dda orive mutundu muchipululuni mulle.

Eksodo 9:15

Katukhullalleke nnatta naka wi kuullakena weyaano ni athwaawo, ddaano mutthollowille.

Eksodo 9:17

Koma onimaanyaambusave athwaaka, vawaakhootihani wi evenyewo.

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Masalimo 76:10

Ddawoona, osha murima wa athu oneerewuuriihani, oovulluwa o osha murimanko muneerewaasunga vakhuviru ni nyuwaano.

Masalimo 106:8

Koma ahaavullusa ekaamba ya nnddina naye wi oonihe masivaaye muullupalli.

Yeremiya 32:20

Nyuwaano mwaheera ezizindikiro ddoottikhiniha ni mitteko ddoorurumusa o Iguputo. Nave munnaddeera ophiyera ollello, variyari va Aisraele navettho va athu attheene. Sika moovuwiha nnddina nanyu ophiyera ollello.

Ezekiele 39:21

“Kineerewooniha ntitimiho naka variyari va mitundu ddittheddene. Vano eneerewoona mmo kinaawaallakelleemi ni nnatta naka nno kinaawaatthinddanyereemina.

Numeri 14:21

Koma ddawoona kinimallupella vamiitthoni vaka navettho va ntitimiho naka niddanlle ellapo yavatthi,

Yoswa 4:24

Ekaamba ya yeella arive muthu va ellapo yavatthimva eneerodduwella masiva a Apwiya nave eneerowoova Apwiya Mullukwaanyu, wa enthawi yoohimalla.”

2 Samuele 7:23

Ethiyo tti athu aavi va ellapo yavatthi enaphwanaphwana ni athwaanyu Aisraele ayo mwaavullusalleenyu wi ekhalle aanyu? Mwahaavullusa ovenyera o Iguputo ni milluku ddaye nave mwaheera ddeko dduullupalli ddawoopiha voowiikarihani mitundu ddimodda vamiitthoni viwa. Mmu sika mwavuwihelleenyu nnddina nanyu.

2 Mamwene 19:35

Sika mahiiyu yaayo mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!