Eksodo 9:14 - Mawu a Mulluku

¹⁴ Vawi kineerorumiha millilli ddaka ddittheddene wa weyaano, wa enduna ddawo ni wa athwaawo wi odduwelle wi khaavo mmodda oophwanaphwana ni miyaano va ellapo yavatthi ettheene.

Eksodo 9:14 ပူးပေါင်းရင်းမြစ်များ

Eksodo 8:10

Farao ahaakhulla wi, “Osiisello.” Sika Mose aallota wi, “Ddineereweereya moollikana ni mmo mullotelleenyu wi mudduwelle wi khaavottho mulluku mmodda oophwanaphwana ni Apwiya Mullukwaahu.

Yawuupullulla 22:18

Miyaano Yohane kinamuchenjeza arive muthu oyo aniiwa mawu oollotelliwa mu nibukhunna. Muthu aanjereravo ello va mawu yaalla, Mulluku aneeromwaanjerera ollakiwa waye ni millilli ddilembiwe mu nibukhunna.

Yawuupullulla 18:8

Ekaamba ya yeella millilli ddineerommorella va nllapo nimodda, ereta winlla ni ettalla. Nave aneerewoosiwa ni munllo, kaambiiwa Apwiya Mulluku, ayo enamweeruza olliyooyo, tti amasiva.”

Mika 6:13

Sika kohaamba wuullakani ni owoonongani ekaamba ya machimwaanyu.

Yeremiya 19:8

Muzindoolla kineerowutthattusa nipuro nawunkha ni nawoopiha musoonyo. Arive muthu ooviravo oneerekoriiryiwa mwiilli vawoonani woonongeya wiwa.

Yeremiya 10:6

Khaavo oollikana ni nyu Apwiya, nyuwaano tti amasiva, nnddina nanyu nookhalla ni masiva muullupalli.

Yesaya 46:9

Muupuwelle ddakhallenndde, miyaano sika Mulluku, khaavottho mmodda. Ddawoona, Mulluku tti miyaano, khaavottho mmodda wonanko miyaano.

Masalimo 86:8

Nyu Apwiya, variyari va milluku, khaavo naari mmodda anaphwanaphwana ni nyuwaano, khaddiivo mitteko ddinaphwanaphwana ni mitteko ddanyu.

1 Epilli 17:20

Moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

1 Mamwene 8:38

mwiiwe mavekellwiiwa. Arive muthu apaalle athwaanyu a Israele yadduwella ddookatamiha m'murimani mwiwa nave yavekella wa nyuwaano mootukhullella mattiiwa muddullu o enyumbeella,

2 Samuele 7:22

Ddawoona, nyuwaano tti muullupalli, Apwiya Mulluku Amasiva Mattheene, moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

1 Samuele 4:8

Niri mu ddoohoosa! Ttaani anaawore onivullusa wa milluku ddamasivanndda? Ddennddathi tti milluku nndde ddawiiphalle Aiguputo ni millilli dda orive mutundu muchipululuni mulle.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:21

“Vano mwavirellella oovaanyihana ni miyaano woohikiiwellella, kineerowaana millilli ddimodda va nyuwaano waanjerera otthanu ni opiilli ekaamba ya machimwaanyu.

Levitiko 26:18

Mwaahikiiwellella moonille ddittheddenenndda, kineerewuullakanittho mwawaanjerera otthanu ni opiilli ekaamba ya machimwaanyu.

Eksodo 9:15

Katukhullalleke nnatta naka wi kuullakena weyaano ni athwaawo, ddaano mutthollowille.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Deuteronomo 3:24

‘Nyu Apwiya Mulluku, mohaamba omoonihella oorumeyellaanyu mitteko dda ottekweenaanyu ni masivaanyu. Oddullu ni vatthi khaavo mulluku mmodda oyo anaawore weera ddeko dda masiva wonanko nnddo muneereenyu.

Deuteronomo 4:35

Apwiya yaawoonihani ddenndda wi nyuwaano mudduwelle wi Apwiyave sika Mulluku nave wi khaavottho mmodda.

Yesaya 45:5

Mi sika Apwiya, khaavottho mmodda, opatula mi khaavottho mulluku mmodda. Kineerewuuvaha masiva naari ohikidduwellaka.

Yeremiya 10:7

Ttaani oyo ahinaawooveni, nyu mwene a mitundu dda athu? Vawi munnaphwanella wooviwa. Variyari va eezeru attheene ni va mamwene mattheene a va ellapo yavatthi, khaavo mmoddattho oollikana ni nyuwaano.

Daniele 5:21

Yahiikarihiwa variyari va athu nave murimiiwa waatthattuwa wonanko wa enama ddamuhakani. Yaakhalla vamodda ni enama ddamuhakani enacha manasi wonanko eng'ombe. Mwiilliiwa waanaana ni nikame nooddullu ophiyera yaadduwella wi Mulluku Ooddullu ookhalla ni masiva oolamulella moomwene a athu nave annawuvelleella wa arive muthu moollikana ni mmo anapaallelleeye.

Eksodo 8:6

Sika Aroni aatthoonyihella ekopwaaye vamaaddini nave anaphullu yaakhuma eddalla ellapo ettheeneeyo.