Eksodo 8:3 - Mawu a Mulluku

³ Muhinjoolle oneeroddalla ni anaphullu. Enaavenyereke m'muhinjenimmo enaya yavollowaka mpa mwawo, muchipindani mwawo mookona, vabedini vawo, mpa mwa enduna ddawo ni dda athwaawo, m'mapuroni mutthemwene mowaapeyellamo ddoocha ni m'mabeseni mwene moomoottowellamo buledi.

Eksodo 8:3 ပူးပေါင်းရင်းမြစ်များ

Masalimo 105:30

Ellapwiiwa yaaddalla ni anaphullu naari ezipinda dda enyumba yamwene.

Eksodo 12:34

Vano Aisraele yaakusa othu wa buledi wawoottowa khalle woohikhalla ni yisiti ni embale ddoowoottowella othu, eddihuruwelle mukuwoni, edditukhulla vamathurini viwa.

Eksodo 8:2

Koma waahiwaakhullella, kineerollaka ellapwaawo ettheene vooyiddallihani anaphullu.

Eksodo 8:4

Eneerekewuulluphella ni athwaawo ni enduna ddawo ddittheddene.’ ”

Eksodo 10:6

Nave enyumba ddawo, dda enduna ddawo ni dda athwaawo, ddittheddene ddineeroddalla ni nazombeve, eyo eri ello yawi naari attiitthaanyu apaalle makhollwaanyu khenaddooneke ephatuwellwiiwa.’ ” Vano Mose aavenyawo wa Farao.

2 Epilli 22:11

Koma Yehosheba mwaana aamutthiyana a mwene Yehoramu, aari mwaara mullupa mukutho Yehoyada, murokoriye a Ahaziya, aamukusa Yowashi mwaana a Ahaziya. Aamwiiya variyari va anamwani aallopwana a mwene ayo yaari vakhuviru wiiphiwa. Aamuhiya mu echipinda emodda yookona ya mu enyumba ya Apwiya ni oomullellaaye. Sika aamusunga mwaanooyo, omooviha Ataliya wawi khaawiiphiwe.

Eksodo 7:11

Vano Farao aawiithana athwaaye eezeru ni amasenga. Nave alliwaayo yaheerattho emoddamoddave yeeyo mwa masengiiwa.

Eksodo 8:11

Anaphullwaayo eneerovenyavo va nyuwaano, mpa mwanyu ni va enduna ddanyu nave enaakhalleke m'muhinjenive”