Eksodo 8:26 - Mawu a Mulluku

²⁶ Koma Mose ahaakhulla wi, “Kheddikhalla phaama weera ddennddo kaambiiwa mikutho nnddo ninaavelleelleehu wa Apwiya Mullukwaahu, ddinnaananara Aiguputo. Ethiyo alliwaayo khenivokhaka malluku ophiyera oniipha naavelleellaka mikutho nnddo ddinaananara m'mwiitthoni mwiwa?

Eksodo 8:26 ပူးပေါင်းရင်းမြစ်များ

Genesis 46:34

Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”

Genesis 43:32

Yosefe achella va yeekha nave asinnaayo yachella vaweekhiiwattho. Aiguputo aariiyena nimodda mpammo ni alliwa yachella va weekhiiwa ekaamba yawi alliwa yaananariwa ochella nimodda ni Aheberi

Yesaya 44:19

Khaavo anaganiza phaama, khaavo eezeru apaalle awiiwesesa oowora oollota wi, “Embali emodda ya muteekho kaayootha, va mankhalliiwa kaamwaapeyavo buledi nave kahoosavo enama kicha. Vano embali yoohalleella kaapangella ello yoonanara. Ethiyo mi killapelleke muteekho?”

Ezara 9:1

Vano ddittheddenenndda ddeereyille, oohoollella amodda yaawa wa miyaano ellota wi, “Aisraele, allupa mukutho ni Alevi kheyiipatulalle wa athu a mwiillaponimmo ni ddoolakwa ddiwa ovenyera wa Akanani, Ahiti, Aperezi, Ayebusi, Aamoni, Amowabu, Aiguputo ni Aamori.

2 Mamwene 23:13

Vatulli viwa mwenooyo ahoonongattho mapuro oollapellamo mafano ayo yaari wookhumella nndduwa wa Yerusalemu, omwera wa mwaango wa Woonongeya. Makuwaayo Solomoni, mwene a o Israele ahaamakella nifano noonanara na Asidoni nooromolliwa Ashitoreti ni na Amowabu nooromolliwa Kemoshi navettho na Aamoni nooromolliwa Milikomu.

Eksodo 3:18

Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Eksodo 8:8

Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”