Eksodo 8:19 - Mawu a Mulluku

¹⁹ Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Eksodo 8:19 ပူးပေါင်းရင်းမြစ်များ

Luka 11:20

Koma kaakhumihaka minepa ddoonanara ni masiva a Mulluku ddinnooniha wi omwene wa Mulluku woowa khalle wa nyuwaano.

Masalimo 8:3

Kaawehaka oddullu nko mwapangilleenyuwo, mweeri ni etheneeri mwaddiikaatthilleenyuwo

Mateyu 12:28

Koma kaakhumihaka minepa ddoonanara ni masiva a Munepa a Mulluku ddinnooniha wi omwene wa Mulluku woowa khalle wa nyuwaano.

Eksodo 7:5

Sika Aiguputo eneerodduwella wi mi tti Apwiya, kaallaka nave kaakhumiha Aisraele mwiillaponi mwiwammo.”

Mitteko 4:16

Yaakohana wi, “Niweere tini athwaalla? Athu attheene mu Yerusalemu ennadduwella wi athwaalla aheera yoottikhiniha nave hiyaanottho khaniwora okhoota.

Yohane 11:47

Sika allupa mukutho uullupalli ni Afarisi yahiithaniha mutthukumano wa attekweene a millatu a Ayuda,* ellota wi, “Nineere tini hiyaano? Vawi muthoolla anneera ddoottikhiniha ddinchichi.

Daniele 2:19

Vano yawiipittheyeeyo yahuupullullelliwa wa Daniele mu masomphenya a mahiiyu. Sika Daniele aamutitimiha Mulluku ooddullu.

1 Samuele 6:9

Vano muniweheke nigaretanno nakusa musewu wa owaniwa ophiya o Beteshemeshi sika wi tti Apwiya a Aisraele yaniwiihelle ddookatamiha. Koma ddaaheereya ddiiddo nineerodduwella wi khehiyo alliwa yanillaka, waarimoona okhalla otullaahu.”

1 Samuele 6:3

Alliwa yahaakhulla wi, “Mwapaalla onihokollosa nibokosinna muhinirumihe noohikhalla ni ello. Koma naari ddikatamihalle, munirumihe ni yoovelleella wi ekhalle mukutho wookhululukella machimo. Mweeddiiddo muneerochirihiwa nave muneerodduwella ekaamba eyo Apwiya yuuhooselliiwani.”

Eksodo 10:7

Enduna dda Farao ddaamukoha wi, “Ethiyo muthu yoolla anaahiye niini onihoosa mwawi ddiidda? Waakhullelleni athwaayo evenyewo wi eye yaallapelle Apwiya Mullukwiiwa. Ethiyo khemunoona wi vano ellapo ya Iguputo yoomalla woonongeya?”

Eksodo 7:4

Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Eksodo 7:13

Farao ahummave murima nave khaapwathille nnddo yamulleelliiwa moollikana ni mmo Apwiya yallotelliiwa.

Genesis 41:24

Makalla awoondaayo yaamirya makalla matthanu ni meelli oowaraalla phaamaalle. Vano kahaatthopoollella amasenga ddoollohanndda koma khaavo naari mmodda oyo awonre okittaphullella.”

Eksodo 9:4

Koma eneerohiyaniha variyari va eziweto dda Aisraele ni dda Aiguputo. Sika kheyiivo naari echiweto emodda ya Aisraele enaakhwe.

Eksodo 9:26

Marallallaayo kheyaamorellewo o ellapo ya Gosheni, nko wakhalla Aisraele.

Eksodo 10:23

Aiguputwaayo kheyaaworattho woonana nave khaarivo naari muthu mmodda asusalle vamullakoni vaye wa mallapo mararu mattheenaayo. Koma nko wakhalla Aisraele khawaari epiphi.

Eksodo 11:7

Koma variyari va Aisraele naari mwanapwa khawa amuuwaka muthu apaalle erive echiweto wi mudduwelle wi Apwiya ennaahiyaniha Aiguputo ni Aisraele.