Eksodo 7:11 - Mawu a Mulluku

¹¹ Vano Farao aawiithana athwaaye eezeru ni amasenga. Nave alliwaayo yaheerattho emoddamoddave yeeyo mwa masengiiwa.

Eksodo 7:11 ပူးပေါင်းရင်းမြစ်များ

Eksodo 7:22

Koma amasenga a o Iguputwaalle naalliwattho yaheera ddennddo mwa masengiiwa sika wi Farao ahummihave murima. Khaawiiwellelle Mose ni Aroni moollikana ni mmo Apwiya yallotilliiwa.

2 Timoteo 3:8

Nave wonanko mmo Yane ni Yambere yaamuvaanyihelliiwa Mose, athu yaalla ennavaanyiha yawoona. Athu yaalla khenna ezeru nave tti oolephela va echikhulupililo.

Eksodo 8:18

Amasengaalle yaheeseesatho weera masengiiwa wi naalliwaattho etthattuse ethupo koma yaalephela. Nave ethuponnddo ddaamwareyella va athu ni enama ddene.

Eksodo 8:7

Koma amasengaalle naalliwattho yaheera ddennddo mwa masengiiwa nave anaphullu yaawa mwiillaponi.

2 Atesalonika 2:9

Muthu oonanarooyo anaawe ni masiva a Satana nave aneereweera ddoottikhiniha ni ezizindikiro ddawoottha ddoohiyanahiyana,

Daniele 2:2

Sika mwene aawiithaniha awoombesa, amasenga, amakhanga ni oollotella ddamuhoollo wi emuttaphullelle nnddo allohilleeye. Alliwa yaavollowa yiimella vamiitthoni va mwene.

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Daniele 5:7

Mwene aakhuwa owiithana awoombesa, amasenga ni oollotella ddamuhoollo wi ewe. Ahaalleella eezeru a o Babiloni wi, “Arive muthu oowora weerenga ddilembiwe mvanndda ni okilleella ottaphullella wiwa, kinimamuwariha ddoowara ddooreera ddoofiira ni ogufu wagolide munikohini nave anaakhalle oolamulella aneeraru mu ellapweella.”

Agalatiya 3:1

Agalatiya ookarangeya nyu, nyuwaanothi moollowiwa! Mwaalleelliwa phaamaddene dda otthomeyiwa vamutandani wa Yesu Khrisitu!

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Daniele 5:11

Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Daniele 2:27

Daniele aamwaakhulla mwene wi, “Nyu amwene, khaavo eezeru, amasenga, awoombesa apaalle oollotella ddamuhoollo oyo anaawore wuuttaphullellani yoovittheya eyo munapaalleenyu odduwella.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

2 Timoteo 3:9

Nave khevirellella vahoollo ni ddennddo kaambiiwa arive muthu aneerewoona ookarangeya wiwa, wonanko mmo ddeereyelliiwa wa Yane ni Yambere.

Eksodo 7:12

Yaaddivokhellattho vatthi ekopo ddiwa nave ddaatthattuwa enowa. Koma enowa ya Aroneeyo yaaddimirya enowa ddiwannddo.

1 Samuele 6:2

Vano Afilisti yaawiithana allupa mukuthwiiwa ni athu amakhanga yaakoha wi, “Ninaaweerena tini nibokosi na echipanganonna? Nilleelleni, ninaanihokollose mwawiidde?”

Daniele 4:6

Sika kaalamula wi eezeru attheene a o Babiloni ewe wa miyaano wi ekilleelle ottaphullella wa ollohanko.

Eksodo 8:3

Muhinjoolle oneeroddalla ni anaphullu. Enaavenyereke m'muhinjenimmo enaya yavollowaka mpa mwawo, muchipindani mwawo mookona, vabedini vawo, mpa mwa enduna ddawo ni dda athwaawo, m'mapuroni mutthemwene mowaapeyellamo ddoocha ni m'mabeseni mwene moomoottowellamo buledi.