Eksodo 6:12 - Mawu a Mulluku

¹² Koma Mose ahaalleella Apwiya wi, “Aisraelaayo khenakiiwellella. Ethiyo Farao anaakiiwellelle mwawiidde? Miyaanothi valle nginawora ollota phaama.”

Eksodo 6:12 ပူးပေါင်းရင်းမြစ်များ

Eksodo 4:10

Koma Mose aallota wi, “Apwiya, koophara mwetwaanyu. Miyaano waambeella khalle nginawora ollota phaama naari waambeella mvo mwaambeelleenyu ollota ni miyaano, oorumeyellaanyu. Ata! Nginatthopoolla voollotani.”

Yeremiya 1:6

Mi kahaakhulla wi, “Ha, Apwiya Mulluku! Nginadduwella ollota vawi kiri mwaana.”

Eksodo 6:30

Koma Mose ahaalleella Apwiya wi, “Nyu munnadduwella valle wi miyaano nginawora ollota phaama ddene, vano Faraooyo anaakiiwellelle mwawiidde?”

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Levitiko 26:41

Valle ekaamba ya ddenndda miyaano kaavaanyihana kiwiikarihella mu ellapo ya adaniiwa. Vano yiiyeviha weekhiiwa, athu awumma mirimaalla nave yaakhullella ollakiwa ekaamba ya machimwiiwa.

Eksodo 6:9

Mose ahaalleella ddenndda Aisraele koma alliwa kheyaamwiiwellelle kaambiiwa alliwa yaari etathillalle murima khalle vookhallani mu okaporwiiwa wa ekuku yawi ddiidda.

Eksodo 3:13

Mose ahaakhulla wi, “Apaalle miyaano kaya wa Aisraelaayo niwaalleella wi Mulluku a makhollwaanyu ookirumiha wa nyuwaano, alliwaayo ttuukikoha wi, ‘Nnddina naye ttaani?’ Ethiyo mi kaalleelle wi tini?”

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Eksodo 3:11

Koma Mose aakoha wi, “Ethiyo mi kiri aani wi ttuuwora oya wa Farao ni waakhumiha Aisraele o Iguputo?”

Eksodo 4:1

Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”

Eksodo 6:13

Koma Apwiya yaamulamula Mose ni Aroni wi yaalleelle Aisraele ni Farao mwene a o Iguputo wi alliwaayo enaphwanella waavenyihamo Aisraelaayo mu ellapo ya Iguputo.