Eksodo 5:21 - Mawu a Mulluku

²¹ Nave yahaalleella wi, “Apwiya yoone mweerilleenyunndda nave yuullakeni vawi mooninanariha vamiitthoni va Farao ni enduna ddaye. Nyuwaano sika muhiyalle nsupada m'mattani mwiwa wi eniiphe hiyaano.”

Eksodo 5:21 ပူးပေါင်းရင်းမြစ်များ

Genesis 34:30

Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.”

1 Epilli 19:6

Vano Hanuni ni Aamoni yoonilliiwa wi aamullika Davide, yaarumiha makilogaramu 34,000 a siliva wi yiithanihelle magareta navettho athu oowella va akavalo a o Mesopotamiya, a o Aramaaka ni a o Zoba.

2 Samuele 10:6

Vano Aamoni yoonilliiwa wi aamullika Davide yahaaruma athu wi yaalembe mutteko Asiriya a o Beterehobu ni a o Zoba, akhoto aweeta vatthi 20,000. Yaamulembattho mwene a o Maaka ni athwaaye 1,000 owaakattho athu a o Tobu 12,000.

1 Samuele 27:12

Nave Akishi aanamukhulupilila Davide vooganizani wi, “Davide ohiitthattusa muthu oonanara, awiitiwa ni athwaayeene Aisraele. Ekaamba ya yeella anaakhalle oorumeyellaaka okumaaye muttheene.”

1 Samuele 13:4

Aisraele attheene yahiiwa wi Saulo oomwiipha akhoto muullupalli a Afilisti nave Afilisti ahaashella murima Aisraele. Athu yahiithaniwa wi eye wa Saulo o Giligala.

Eksodo 6:9

Mose ahaalleella ddenndda Aisraele koma alliwa kheyaamwiiwellelle kaambiiwa alliwa yaari etathillalle murima khalle vookhallani mu okaporwiiwa wa ekuku yawi ddiidda.

Genesis 16:5

Vano Sarai aallota ni Abramu wi, “Dda va muru vanyu ddenndda wi Hagara akinyaambuseke ddiidda. Miyaano kahuuvahani kaporoolla nave waambeella valle akusalleeye erukullu, anakhallella okinyaambusave. Apwiya sika eneeruze wi nimuphwanye oolakwa ttaani variyari vahu.”

Yowele 2:20

Kineeromwiikara oovenyera ompoto wi yuurekamelleni, kineeromwiikarella o ellapo yawumma ni yoohikhalla ni athu. Amuhoollo kinaawiikarelle onyanjani ya wookhuma nndduwa, amutulli kinaawiikarelle onyanjani ya woovollowa nndduwa. Vano eneerewuunta nave eneerewunkha, kineerowoononga ekaamba ya ddittheddene eweerelleewani.”

Oollalleya 10:1

Engwillihi ddookhwa ddinnawiiha nthuko noonanara mu makhura awunkhella phaama emoddamoddave yeeyo okarangeya vang'ono onnoononga ezeru ni olemu.

Eksodo 14:11

Yaamukoha Mose wi, “Ethiyo tti ekaamba yawi o Iguputo khewaari nipuro na mahame nyuwaano muniphiyihalleenyu o echipululu wuno wi nikhwellewo? Muneerille tini onikhumiha mu Iguputo?

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Genesis 31:53

Mulluku a Abrahamu, Mulluku a Nahori, Mulluku a attiitthiiwa, sika anaaneeruze eellihi.” Sika Yakobo aallupella vamiitthoni va Mulluku oyo attiitthinnya Isaki yamooviiwa.

Eksodo 5:20

Sika evenyillewo wa Farao wulle, yaakumana ni Mose ni Aroni ayo yaatiyera.

Eksodo 15:24

Nave athwaalle yaakhupanyella wa Mose, emukoha wi, “Ethiyo hiyaano ninaawirye tini?”

Eksodo 16:2

Nave yaakhupanyella wa Mose ni Aroni muchipululuni mulle wi,

Numeri 14:3

Kaambiiwa tini Apwiya enanivollochihiiwa mu ellapo yeeyo wi niiphiwe okhotoni? Awarihu ni aniihu eneeropharelliwa wuukaporoni. Ethiyo khokhalla phaama wi nihokollweelle o Iguputo?”

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Yesaya 30:6

Nngu sika ollotella wa dda enama dda mu echipululu yoomwera wi, “Amithenga eneeta mu ellapo yawoopiha mmo muri mikango, evilli ni enowa ddanttipwi ddoovava. Ennaareya abulwiiwa emphaso ddoowallamella mutengo nave eyuumiiwa ennayiwelliha va ekamira* ddiwa oyaana wa mutundu wa athu oyo khowa waakavihera.