Eksodo 40:38 - Mawu a Mulluku

³⁸ Va olendwiiwa muttheene, Aisraele yaanoona murapo wa Apwiya va musasa enthawi ya otthaana ni munllo m'muraponi enthawi ya mahiiyu.

Eksodo 40:38 ပူးပေါင်းရင်းမြစ်များ

Masalimo 78:14

Otthaana aahoollella ni murapo, mahiiyu ni owala wa munllo.

Numeri 9:15

Va nllapo nno natthipelliwe musasa wamutthukumano, murapo waakhuneella. Erive misikuwa ophiyera ohinase murapooyo waanakhuneella ori ni mooneyello amunllo.

Eksodo 13:21

Enthawi yootthaana Apwiya yaanaahoollella ni opoto amurapo nave enthawi ya mahiiyu, yaanaahoollella ni opoto amunllo, waamolleella ettilla wi yeeteke otthaana ni mahiiyu.

Masalimo 105:39

Apwiya yaahiya murapo wi waahuruwelleke, munllo wi waamolleelleke mahiiyu.

Numeri 9:12

Ahinahiyavo erive ello ya enameeyo ophiyera ohinase apaalle opwesa makhuviiwa. Eereke Ehakallallo ya Paska moollikana ni malamulwiiwa mattheene.

Eksodo 13:22

Sika enthawi ddittheddene opoto amurapo aanaahoollella athu otthaana nave opoto amunllo aanaahoollella mahiiyu.

Numeri 9:16

Moohihiyerera murapooyo waanakhuneella musasa wamutthukumanooyo otthaana nave mahiiyu waanakhalla ni mooneyello amunllo.

Numeri 10:34

Murapo wa Apwiya waanaakhuneella otthaana erive enthawi yaatimullaka.

2 Samuele 7:6

Miyaano nginakhalleke mu enyumba waambeella nllapo nne kaakhumihalleemi Aisraele mu ellapo ya Iguputo ophiyera ollello. Kookhalla kiyaaka nngu ni nngu nave mookhalla mwaka mwaari m'musasani.