Eksodo 40:35 - Mawu a Mulluku

³⁵ Mose khaaworille ovollowa kaambiiwa murapooyo waari mwemmo nave ntitimiho na Apwiya naaddalla mu musasooyo.

Eksodo 40:35 ပူးပေါင်းရင်းမြစ်များ

1 Mamwene 8:11

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumbiiwa.

Yesaya 6:4

Ekaamba ya okhuwanko matthipello a millako ni enyumba ettheene yaatikheya nave enyumba ya Apwiya yaahuruwelliwa ni mwiisi.

2 Epilli 7:2

Nave allupa mukutho kheyaawonre ovollowa mu enyumba ya Apwiya ekaamba yawi ntitimiho na Apwiya naaddallamo.

Levitiko 16:2

Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Yawuupullulla 15:8

Enyumba ya Mulluku yaaddalla ni mwiisi woovenyera o ntitimiho ni masiva a Mulluku nave khaarivo aworille ovollowa mu enyumba ya Mullukweeyo ophiyera millilli mitthanu ni miilli ddawiihiwe ni angelo atthanu ni eellaalle ddimallille.

Numeri 7:89

Vano Mose avollowille mu musasa wamutthukumano wi allote ni Apwiya, aawiiwa ellotoka mawu ovenyera va yookhuneelleeyo, variyari va akerubi* va nibokosi na echipangano.

1 Mamwene 8:10

Nave allupa mukutho yakhumalliiwa mu echipinda yoopatuleya, murapo waaddalla mu enyumba ya Apwiya.

Ezekiele 10:4

Ntitimiho na Apwiya naavenyavo mvo naariiwa, vaddullu va akerubi, naphiya vatthi va mullako wa enyumba ya Mulluku nave enyumbeeyo yaaddalla ni murapoolle. Vano ntitimiho noowala na Apwiya naaddalla va nthato.

Eksodo 16:10

Sika Aroni aallota wa mulloko muttheenoolle nave mullokooyo waarukunuwa oweha o echipululu nave ntitimiho na Apwiya nahooneya m'muraponi moorurumusa.

Eksodo 29:43

Wenko sika kinaakumanekeemi ni Aisraele nave nipuro nenno nineerokhalla naweella ekaamba ya ntitimiho naka.

Numeri 9:15

Va nllapo nno natthipelliwe musasa wamutthukumano, murapo waakhuneella. Erive misikuwa ophiyera ohinase murapooyo waanakhuneella ori ni mooneyello amunllo.

Yesaya 4:5

Sika Apwiya eneerohuruwella mwaango muttheene wa Ziyoni ni athwiiwa ni murapo otthaana ni mwiisi owaaka munllo woowala mahiiyu.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Ezekiele 43:4

Ntitimiho na Apwiya naavollowa mu enyumba ya Apwiya oweella mullako wooweha wookhuma nndduwa.