Eksodo 40:16 - Mawu a Mulluku

¹⁶ Mose aheera ddittheddene moollikana ni mmo Apwiya yamulamulelliiwa.

Eksodo 40:16 ပူးပေါင်းရင်းမြစ်များ

Deuteronomo 4:1

“Vano nyu Aisraele mwiiwellelleke malamulo ni malangizo mattheene kinuuhuddiheemini wi mukhalle ni okumi. Nave muneerovollowa ni waakha ellapo eyo Apwiya Mulluku a makhollwaahu enuuvaheewani.

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Aheberi 3:2

Olliye aari oororomelleya wa Mulluku oyo amutthoonlle, wonanko Mose aariiyettho oororomelleya va muttekwaaye mu enyumba ettheene ya Mulluku.

Aheberi 3:5

Mose aari oororomelleya va muttekwaaye mu enyumba ettheene ya Mulluku wonanko oorumeyella nave allotille dda ddeko nnddo Mulluku aneereeye allote muhoollo.

Eksodo 40:15

Vano waazoze wonanko mmo waazozilleewe attiitthiiwa wi ekhalle allupa mukutho. Nave waamakellettho malaamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo naka noohimalla. Mmu sika onaamuzozelleewe Aroni ni anaaye.”

Yeremiya 13:5

Sika kaatimulla kiya kawuvittha ekuweeyo o Yufurate moollikana ni mmo Apwiya yakilleellelliiwa.

Genesis 6:22

Sika Nowa aheera moollikana ni mmo Mulluku amulamulelleeye.

Eksodo 7:6

Nave Mose ni Aroni yaheera nnddo Apwiya yaalamulalliiwa.

Levitiko 8:9

Aamuwariha enduwira omuruni. Owiitthoni wa enduwireeyo aahiyawo malluwa a golide wi ekhalle echizindikiro ya opatuleya. Sika Mose aheera ddittheddene moollikana ni mmo Apwiya yamulamulalliiwa.

Levitiko 8:13

Vano Mose aawaana anamwani a Aroni, aawariha malaya, aamakella laamba muyuununi, aawariha enduwira omuruni. Sika Mose aheera ddittheddene moollikana ni mmo Apwiya yamulamulalliiwa.

Levitiko 8:21

Vano ahuwalle marupo owaaka meto, aaddishellellihattho. Sika aashellelliha enama ettheeneeyo vanikuwani wi okhalle mukutho wooshellelliha, wa nthuko nawaaddivella Apwiya wawoosiwa viikho moollikana ni mmo alliwa yamulamulelliiwa Mose.

Numeri 1:19

moollikana ni mmo Apwiya yamulamulelliiwa Mose. Sika Mose aaweerenga athwaayo mu echipululu ya Sinai.

Numeri 9:22

Naari murapooyo wakhuneella vaddullu va musasa wa wamutthukumano wa mallapo meelli apaalle mweeri apaalle enthawi yoorekama, Aisraele yaanakhallave vanipuronimvo nave kheyaatimulla. Koma murapooyo wawella, alliwa yaanatimulla.