Eksodo 4:15 - Mawu a Mulluku

¹⁵ Oneeromulleella yawi allote. Kineerewuukaviherani ollota eelliinenyu nave kineerowuulleellanittho ddawi mweere.

Eksodo 4:15 ပူးပေါင်းရင်းမြစ်များ

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

Numeri 23:16

Vano Apwiya yaakumana ni Balamu emulleella wi, “Hokollweella wa Balaki wamulleelle nnddo kinuulleelleemi.”

Numeri 23:12

Olliye ahaakhulla wi, “Ethiyo mi nginaphwanella ollota ddennddove ekilleelle Apwiya?”

Numeri 23:5

Vano Apwiya yaamulleella Balamu wi, “Hokollweella wa Balaki wamulleelle nnddo kinuulleelleemi.”

Yeremiya 1:9

Vano Apwiya yaattaphurusa nnatta niwa ettannya vayanoni vaka ekilleella wi, “Ngoona, koohiya mawaaka muwano mwawo.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

2 Samuele 14:3

Weeddiiddo oye wa mwene, wallotena nndda.” Sika Yowabu aamulleella mutthiyaanooyo mawu awi aallote.

Numeri 22:38

Balamu aamwaakhulla Balaki wi, “Ddawoona, ethiyo vano ngiwiille? Koma ethiyo kookhalla ni masiva oollota erive ello? Kinaphwanella ollota ddennddove akilleelle Mulluku.”

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

1 Akorinto 11:23

Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,

Deuteronomo 5:31

Koma weyaano Mose okhalle wuno ni miyaano nave kineerowinnya malamulo ni malangizo mattheene. Ddittheddenenndda waahuddihe athu wi ewiiwellelleke malamulwaayo mwiillaponi eyo kinaavaheemi.’

1 Akorinto 15:1

Asinnaka ni arokoraka, vano kinapaalla kiwuupuseni nyuwaano dda othenga waphaama oyo kallalleyeemi wa nyuwaano, oyo mwaakhenlleenyu nave va yooyo echikhulupililwaanyu eniimella moollipa.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Eksodo 4:28

Vano Mose aamutthopoollella Aroni mawu mattheene ayo Apwiya yamurumalliiwena. Aamulleellattho dda ezizindikiro ddoottikhiniha ddittheddene nndde Apwiya yamulamulelliiwa wi addeere.

Eksodo 4:30

Aroni ahaatthopoollella oohoollellaayo ddittheddene nndde Apwiya yamulleelliiwa Mose nave aheerattho ezizindikiro ddoottikhiniha ddittheddenenndde athu attheene yoonaka.

Numeri 16:28

Mose aallota wi, “Vano muneerodduwella wi mitteko ddittheddene kineereeminndda yakirumalle tti Apwiya, khe dda m'muruni mwaka.

1 Samuele 16:3

Omwiithane Yese omukuthoninko, vano kineerewuulleella yawi weere. Nave wakizozelle oyo kinaawuuromollelleemi nnddina naye.”

Masalimo 51:15

Apwiya hullani vayanoni vaka wi yuutitimiheni nyuwaano.

Yeremiya 36:32

Vano Yeremiya aakusa nibukhu nimodda amwinnya namalembella Baruki mwaana a Neriya amulembiha mawu mattheene a mu nibukhu nne Yehoyakimu mwene a o Yuda anoosilleeye nave ahoonjereravo mawu mamodda oophwanaphwanana.

Masalimo 25:12

Ttaani anawoova Apwiya? Yooyo Apwiya eneeromuhuddiha ettilla yawi ayithware.