Eksodo 4:12 - Mawu a Mulluku

¹² Vano khawe, miyaano kineerewuukavihera ollotanko nave kineerewuulleella yawi wallote.”

Eksodo 4:12 ပူးပေါင်းရင်းမြစ်များ

Yeremiya 1:9

Vano Apwiya yaattaphurusa nnatta niwa ettannya vayanoni vaka ekilleella wi, “Ngoona, koohiya mawaaka muwano mwawo.

Mariko 13:11

Yuukusellani omillatuni, muhikhupanyeke wi munaaye mwallote tini apaalle munaallote mwawiidde vawi enthawi yeeyo Mulluku eneerewuulleellani yawi mullote. Vawi mawu munaalloteenywaayo khekhalla aanyu koma enaavenyere wa Munepa Waweella.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Aefeso 6:19

Nave mukivekellellekettho miyaano wi Mulluku akivahe othenga kaallalleyaka wi killoteke moollipa murima nave wi yookhuweya ya othenga waphaama edduwelliwe.

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Luka 11:1

Nllapo nimodda Yesu aavekella vanipuroni nimodda nene. Amallihalleeye, mmodda a oohudderaaye allota wi, “Apwiya nihuddiheni ovekella wonanko Yohane aahuddihalleeye oohudderaaye.”

Yesaya 49:2

Aakitthattusa vayanoni vaka wi vikhalle wonanko nsupada nawiisha. Aakiteteza ni nnatta niwa aakihana wonanko mpaamba wootthokowa, aakiipitthiha munigoneloni mwiwa.

Masalimo 143:10

Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

Masalimo 32:9

Muhikhalle athu ookarangeya wonanko kavalo apaalle bulu, oyo anookollelliwa ni mukoko wa muwano owaaka mukwe va muru, kaambiiwa waaheera ddiiddo khiiwellella.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Eksodo 4:13

Koma Mose aallota wi, “Apwiya, koophara mwetwaanyu nave kinuuvekani wi mumurume muthu mmodda.”

Eksodo 4:15

Oneeromulleella yawi allote. Kineerewuukaviherani ollota eelliinenyu nave kineerowuulleellanittho ddawi mweere.

Eksodo 4:16

Olliye aneerekollota wa athu munipuroni mwawo. Aneerokhalla wonanko eyanwaawo nave weyaano onaakhalleke wonanko mullukwaaye.

Numeri 16:28

Mose aallota wi, “Vano muneerodduwella wi mitteko ddittheddene kineereeminndda yakirumalle tti Apwiya, khe dda m'muruni mwaka.

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

Masalimo 105:26

Apwiya yaamuruma Mose oorumeyelliiwa ni Aroni oyo yamutthonlliiwa.