Eksodo 4:11 - Mawu a Mulluku

¹¹ Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo?

Eksodo 4:11 ပူးပေါင်းရင်းမြစ်များ

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Masalimo 146:8

ennahulla miittho a athu oohoona. Apwiya ennaawelliha athu ookitthihiwa, ennaakonda oolungama.

Yesaya 6:7

Nave aakittannya vayanoni ni ninkhallanno allota wi, “Ngoona, koottannya eyanwaawo ni ninkhallanna. Oripihiwa wawo woheellihiwa nave machimwaawo yookhululukiwa.”

Masalimo 94:9

Ethiyo oyo aphatusalle maaru, khaniiwa? Ethiyo oyo apangille miittho, khanoona?

Masalimo 51:15

Apwiya hullani vayanoni vaka wi yuutitimiheni nyuwaano.

Yeremiya 1:9

Vano Apwiya yaattaphurusa nnatta niwa ettannya vayanoni vaka ekilleella wi, “Ngoona, koohiya mawaaka muwano mwawo.

Yeremiya 1:6

Mi kahaakhulla wi, “Ha, Apwiya Mulluku! Nginadduwella ollota vawi kiri mwaana.”

Ezekiele 33:22

Misikuwa olliye ahinawe, kaaphariwa ni masiva a Apwiya. Koma osaka wene, muthooyo aphiyalle, Apwiya yaakihokollosella masiva oollotella.

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Yesaya 42:7

Oneerewaahulla miittho athu oohoona, oneerewaattaphulla oomakiwa, oneerewaakhumiha ookhalla mwiipiphini.

Luka 1:20

Vano weyaano khawaawukhulupililalle othengaakoolla, oyo onaakwakhwanihiwe va enthawi yaphaama. Sika oneerollakallakeya nave khoworaka ollota, ophiyera nllapo nno yoollotiweeyo eneeriiwa yeereye.”

Luka 1:64

Enthawi yeeyo Zakariya aattaphuwa muwano, aamba ollota, vano aamutitimiha Mulluku.

Yohane 10:21

Koma amodda yaallota wi, “Muthu ookhalla ni munepa woonanara khanallota mwawi ddiidda! Munepa woonanara ttuuwora omweeriha muthu oohoona wi ooneke?”

Genesis 11:7

Hankoni nikitthelle wenko wi navirikanihe ellotellwiiwa wi ehiiwananeke.”

Miyambo 20:12

Naaru nawiiwella, niittho nawoonella, piillinndda yaddiphatusalle tti Apwiya.