Eksodo 4:10 - Mawu a Mulluku

¹⁰ Koma Mose aallota wi, “Apwiya, koophara mwetwaanyu. Miyaano waambeella khalle nginawora ollota phaama naari waambeella mvo mwaambeelleenyu ollota ni miyaano, oorumeyellaanyu. Ata! Nginatthopoolla voollotani.”

Eksodo 4:10 ပူးပေါင်းရင်းမြစ်များ

Yeremiya 1:6

Mi kahaakhulla wi, “Ha, Apwiya Mulluku! Nginadduwella ollota vawi kiri mwaana.”

Eksodo 6:12

Koma Mose ahaalleella Apwiya wi, “Aisraelaayo khenakiiwellella. Ethiyo Farao anaakiiwellelle mwawiidde? Miyaanothi valle nginawora ollota phaama.”

2 Akorinto 11:6

Apaalle miyaano nginna eruso yoollota koma kookhalla ni eruso yoodduwella. Vawi noowoonihani yeella phaamaddene enthawi ddittheddene ni mu ddeko ddittheddene.

Mitteko 7:22

Nave Mose aahuddihiwa ezeru ddittheddene dda o Iguputo nave akhalla muthu amasiva mu mawu ni mu ddaweera ddaye.

Eksodo 4:1

Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

Yobu 12:2

“Ddawoona, nyuwaano sika athuathu, ezeru ddanyu muneeremarowana.

Eksodo 3:11

Koma Mose aakoha wi, “Ethiyo mi kiri aani wi ttuuwora oya wa Farao ni waakhumiha Aisraele o Iguputo?”

Eksodo 6:30

Koma Mose ahaalleella Apwiya wi, “Nyu munnadduwella valle wi miyaano nginawora ollota phaama ddene, vano Faraooyo anaakiiwellelle mwawiidde?”

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.