Eksodo 37:17 - Mawu a Mulluku

¹⁷ Aapanga yoohiyavo enyali ya golide aphaama wunchichi. Nthimwa niwa, mwiirukulluni mwiwa, makapwiiwa ni ddooreerihella ottaphullella wi malluwa ni murwiiwa ddittheddenennddo ddaahaniwa ovenyera va mukoko wagolide mmoddave.

Eksodo 37:17 ပူးပေါင်းရင်းမြစ်များ

Aheberi 9:2

M'musasanimmu, echipinda yawaamba yaakhalla ni yoohiyavo enyali ni tebulo owaaka buledi oovelleelliwa wa Mulluku nave yaromolliwa wi nipuro naweella.

Yawuupullulla 1:12

Kaarukunuwa wi kiwoone enakillotihaayo ttaani nave kahoona ddoohiyavo enyali dda golide dditthanu ni piilli,

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

Mateyu 5:15

Khaavo muthu anakhariha enyali, ayikhuneella ni muno koma anahiya va yoohiyavo enyali, mvo enamumolleelliiwa arive muthu mpammo.

Zekariya 4:11

Vano kaamukoha mungelo wi, “Miteekho dda olivi ddiri onnattanattani ni wuunyotthoni wa yoohiyavo enyali ddinattaphullella tini?”

Zekariya 4:2

Aakikoha wi, “Onoona tini?” Nave kahaakhulla wi, “Kinoona yoohiyavo enyali, ettheene yagolide ni embale vaddullu viwa. Eri ni enyali dditthanu ni piilli, erive enyali yoophovolliwa otthanu ni opiilli moovollochihamo matthupu.

2 Epilli 13:11

Ennavelleella wa Apwiya mikutho ddooshellelliha orive ohinase ni orive misikuwa. Ennoosa lubani* na nthuko naphaama nave ennamuhiyattho buledi oovelleella va tebulo a golide aphaama navettho ennapwatha yoohiyavo enyali yagolide wi enyali ddiwa ddikhareke orive misikuwa vawi ninniiwellella nnddo enanilamula Apwiya Mullukwaahu koma nyu mohaahiya.

1 Epilli 28:15

ollemella wa ddoohiyavo enyali ddagolide ni enyali ddiwa ni wa ddoohiyavo enyali ddasiliva ni enyali ddiwa moollikana ni mutteko wa erive yoohiyavo enyali,

Levitiko 24:4

Aroni apwatheke enyali ddittheddene ddiri va yoohiyavo enyali ya golide aphaama wunchichi wi ddikhalle ddookhara wiilliwiilli vamiitthoni va Apwiya.

Eksodo 31:8

tebulo ni ezipangizo ddiwa, yoohiyavo enyali ni ezipangizo ddiwa, nikuwa nawoosellavo lubani,

Eksodo 37:16

Aapangattho eziwiya dda vatebuloni monga embale, ebakuli, mino ni mabeseni oopaalleya va ddoovelleella dda ddoowirya. Ddittheddenenndda ddaari dda golide aphaama wunchichi.

Eksodo 37:18

Vaddullu va erukullwiiwa vaakhalla enthambi dditthanu ni emodda, ddiraru erive embali.

Numeri 8:4

Yoohiyavo enyaleeyo yapangiwe ni golide nave waambeella onthimwani ophiyera omalluwani, otthoka wiwa waari woohana. Yoohiyavo enyaleeyo yapangiwe moollikana ni mmo Apwiya yamoonihalliiwa Mose.