Eksodo 36:35 - Mawu a Mulluku

³⁵ Yaasowa ekatani yabululu, yooreera yoofiira ni yoofiira navettho yabafuta aphaama. Nave ekataneeyo yaayipeta phaama ni ezithuzi dda akerubi.

Eksodo 36:35 ပူးပေါင်းရင်းမြစ်များ

Mateyu 27:51

Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi. Nave ellapo yaatikheya nave malluku yaatthalleya.

Aheberi 10:20

Olliye aanihullella ettilla yanaanweene yoohoollella o okumi oweella va ekatani eyo eri mwiillaaye.

Eksodo 40:21

Nave aahiya nibokosinno m'musasanimmo nave aatthomeya ekatani yootchingella. Mwawi aatchinga nibokosi na echipangano moollikana ni mmo Apwiya yamulamulelliiwa.

Eksodo 30:6

Nikuwanno onihiye vahoollo va ekatani yootchinga nibokosi na echipangano, vahoollo va yookhuneella eyo eri vaddullu va nibokosi na echipangano. Va nipuro nenna tti mvo kinaakumanekeemi ni weyaano.

Eksodo 26:1

“Amake musasa wamutthukumano voopharihani mutteko ekuwo ddabafuta aphaama khumi navettho ni ekuwo ddabululu, ddooreera ddoofiira ni ddoofiira. Ekuwo ddenndda addipete phaama ni ezithuzi dda akerubi.*

Eksodo 36:34

Matabwaayo yahaahuruwella ni golide nave yaapangattho emphete ddagolide nave emakella vamodda matabwaayo ni ekoponnddo nave ekoponnddo ddaakhalla ddoohuruwelliwa ni golide.

Eksodo 36:36

Yaayitthomeya va apoto asese akesha oohuruwelliwa ni golide, ookhalla ni engowi ddagolide nave ookeraattheya va matthipello masese asiliva.