Eksodo 35:25 - Mawu a Mulluku

²⁵ Atthiyana attheene eeruso yaapanga olusi wabululu, woofiira vang'ono ni woofiira. Yaawaanattho olusi wabafuta aphaama.

Eksodo 35:25 ပူးပေါင်းရင်းမြစ်များ

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Aroma 16:12

Mooni wa Trifena ni Trifosa ayo enaarumeyella Apwiya. Moonittho wa Perisi, mukhwaaka kinamukondeemi oyo allipihenlle ophara mutteko mwawaarumeyella Apwiya.

Aroma 16:6

Mooni wa Mariya, oyo aallipihenlle ophara mutteko variyari vanyu.

Mitteko 9:39

Vano Petro aatimulla athaananana athwaayo. Aphiyalleeye, aakusiwa aya mu echipinda yavaddullweelle, wenko anaamukhwelle attheene yaatthukumana emwaapheella yinllaka nave emoonihaka malaya ni ddoowara ddittheddene Dorika asowilleeye ari mukumi.

Miyambo 14:1

Mutthiyana eezeru ennamaka nibanja koma ookarangeya annanimwara ni mattaaye.

Eksodo 36:1

“Nave Bezalele, Oholiyabu ni athu eeruso attheene ayo Apwiya yaavahilliiwa eruso ni ezeru ddoodduwella opanga ddoopaalleya ddittheddene ddoomakella musasa wamutthukumano, eneeropanga ddittheddene moollikana ni mmo Apwiya yalamulelliiwa.”

Eksodo 31:6

Koomutthoollattho Oholiyabu, mwaana a Ahisamaki, a nlloko na Dani. Nave athu amodda attheene eeruso kohaavaha eruso ddinchichi ddaweera erive ello eyo kuulamulalleemi.

Eksodo 28:3

Waalamule athu attheene eeruso, attheene ayo kaavahilleemi ezeru wi esowe ddoowara dda Aroni nnddo anaawareeye yaamuzozaka wi akhalle mullupa mukuthwaaka.

2 Mamwene 23:7

Aakumulla enyumba dda allopwana ooraruwa voollapellani nnddo ddaari mu enyumba ya Apwiya, o nipuro nko atthiyana yasowiiwawo mikanjo ddoowara athu oomullapella Asherimu.

Eksodo 35:24

Athu attheene ayo yaari ni siliva apaalle mukuwa, yaavelleella wa Apwiya. Attheene yaari ni matabwa akesha, oopharihella muttekooyo, yaawaana.

Eksodo 35:26

Atthiyana attheene eeruswaayo yaapangattho olusi wamapururu eepuri.

1 Epilli 28:21

“Vano ngoona, milloko dda allupa mukutho ni Alevi, ddoophwanella ophara mitteko ddittheddene dda o enyumba ya Mulluku ddookhozeka nave we, va mutteko muttheenooyo oneerokhalla ni athu eeruso awiivelleella va muttekwiiwa nave athu shisha attheene ni oohoollelliiwa we sika onaalamulelleke yaweera.”