Eksodo 35:21 - Mawu a Mulluku

²¹ Nave arive muthu, moollikana ni mmo murimaaye muttheene wapaallelliiwa, aawa wa Apwiya ni ddoovelleella ddoomakella musasa wamutthukumano ni ddoopangella ezipangizo ddiwa ddittheddene owaakattho dda ddoowara ddoopatuleya.

Eksodo 35:21 ပူးပေါင်းရင်းမြစ်များ

Eksodo 25:2

“Alleelle Aisraele evelleelle ddoovelleella ddiwa wa miyaano. Nave weyaano waakhelle ddoovelleella ovenyera wa arive muthu nnddo anapaalleeye ovelleella ni murimaaye muttheene.

1 Epilli 29:14

“Koma mi kiri aani nave athwaaka eri aani wi ttuuwora ovelleella mwa opaalla wahu? Valle ddeko ddittheddene ddinavenyera wa nyuwaano nave ninavelleellaahu tti ddaanyu.

Eksodo 35:29

Sika Aisraele attheene, allopwana ni atthiyana, ayo yavelleella mwa opaalla wiwa o mutteko oyo Apwiya yalamulalliiwa oweella mwa Mose, yaawa ni ddoovelleella ddiwa wa Apwiya.

Eksodo 35:26

Atthiyana attheene eeruswaayo yaapangattho olusi wamapururu eepuri.

Eksodo 35:5

‘Muweekena ddoovelleella wa Apwiya. Sika arive muthu oyo anapaalla ovelleella ni murimaaye muttheene aweena ddeko wonanko golide, siliva, mukuwa,

Eksodo 36:2

Vano Mose aawiithana Bezalele, Oholiyabu ni athu eeruso attheene ayo Apwiya yaavahilliiwa ezeru nave yapaallille ni murimiiwa muttheene okavihera.

Eksodo 35:22

Nave yaawa allopwana ni atthiyana, attheene mwa opaalla wiwa yaawaana endolo, emphete, ogufu wamukohi ni ddooreeriha ddimodda ddagolide nave yaaddivelleella wa Apwiya.

2 Akorinto 9:7

Vano munaphwanella muvelleelleke eyo muganizalleenyu m'murimani mwanyu, moohikhupanya apaalle moowatiheriwa vawi Mulluku anakonda oyo anavelleella moohakallalla.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Yeremiya 30:21

Oolamulella anaakhalle mmodda a alliwa, oohoollella anaavenyera variyari viwa. Kineeromususihella vakhuviru ni miyaano, olliye aneerewaatamana ni miyaano. Ttaani anaallipe murima wi aatamane ni mi?

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

1 Epilli 29:9

Vano athu yaahakallalla kaambiiwa yaavelleella wa Apwiya mwa opaalla wiwa ni murimiiwa muttheene. Nave mwene Davide aahakallallattho wunchichi.

1 Epilli 29:3

Waanjerera va ddittheddene kivelleelleemi va enyumbeella, kookhallanattho eyuuma yaakayaaka ya golide ni siliva nave ekaamba ya wiivelleella waka va enyumba ya Mullukwaaka kinavelleellattho eyuumeeyo o enyumbeeyo.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Epilli 28:2

Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”

2 Samuele 7:27

“Nyu Apwiya Amasiva Mattheene, Mulluku Aisraele, mookiwululella mi oorumeyellaanyu wi muneerokeraatthiha nibanja naka. Sika miyaano oorumeyellaanyu koollipa murima wi kivekelle wa nyuwaano.

Oweeruza 5:12

“Yaallota wi, ‘Venya, Debora venya, hoollella weyaano, hoollella, ipa nchipo. Venya Baraki, we mwaana a Abinowamu ahoollelle akaporwaawo.’ ”

Oweeruza 5:9

Etitimiheye Apwiya, murimaaka ori ni oohoollella a akhoto a o Israele, ori ni athu ayo awiivelleella, variyari va akhwiiwa.

Oweeruza 5:3

Apellani maaru, nyu mamwene, iwani, nyu oolamulella. Kineerowiipella Apwiya nchipo naphaama, kineerowiipella Apwiya Mulluku a Israele.

Eksodo 35:20

Sika Aisraele attheene yaavenyavo emuhiya Mose.

1 Epilli 29:8

Ayo yaari ni malluku oowallamella mutengo yaavelleella o enyumba yoosungellamo eyuuma ya o enyumba ya Apwiya eyo yaweheriwa ni Yehiyele Mugereshoni.

Ezara 2:68

Amodda mwa oohoollella mabanja yaphiyalliiwa o enyumba ya Apwiya mu Yerusalemu, yaavelleella emphaso o enyumba ya Mulluku wi emakiwettho vantepeni viwa.