Eksodo 34:5 - Mawu a Mulluku

⁵ Apwiya yaakittha m'muraponi yiimella ni Mose nave yaaromolla nnddina niwa nawi Apwiya.

Eksodo 34:5 ပူးပေါင်းရင်းမြစ်များ

Eksodo 33:19

Vano Apwiya yahaakhulla wi, “Kineerowooniha oreera murima waka ottheene nave kineeroromolla nnddina naka nawi Apwiya vamiitthoni vawo. Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

Numeri 11:25

Vano Apwiya yaakittha m'muraponi yaamba ollota ni Mose. Nave yahaakawella attekweene 70 munepa mmoddamoddave yooyo yamuvahilliiwa waari mwa Mose. Athwaayo yaakhellilliiwa munepa yahaamba ollotella koma kheyaayiillena muhoollo.

Eksodo 33:9

Mose avollowille mumusasani mulle, opoto amurapo aanakittha atiitha vamullakoni va musasooyo nave Apwiya yaanallota ni Mose ovenyera m'muraponimmo.

Numeri 11:17

Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Masalimo 102:21

Sika athu eneerollalleya nnddina na Apwiya o Ziyoni, eneerewaatitimiha o Yerusalemu.

Deuteronomo 32:3

Kineerollalleya nnddina na Apwiya. Llotani wi Mullukwaahu tti muullupalli!”

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Numeri 14:17

Vano Apwiya kinuuvekani wi moonihe wi wunnuwa wa masivaanyu wonanko mmo mwallotelleenyu wi,

Eksodo 19:9

Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.” Vano Mose ahaalleella Apwiya nnddo yallotille athwaayo

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Numeri 12:5

Apwiya yaakittha m'muraponi yiimella va mullako wa musasa emwiithana Aroni ni Miriyamu nave eellaayo yaasuserawo.

1 Samuele 3:18

Sika Samuele aamulleella ddittheddene nave khaakhuwalle erive ello. Eli aallota wi, “Yaayo sika Apwiya, yeere eyo enaaddivella.”