Eksodo 34:25 - Mawu a Mulluku

²⁵ “Mwaavelleellaka mukutho wa enama wa miyaano, muhivelleelleke ni buledi ookhalla ni yisiti. Erive enama yaawiiphella mukutho wa Paska, muhiyisunge ophiyera ohinase.

Eksodo 34:25 ပူးပေါင်းရင်းမြစ်များ

Eksodo 23:18

“Waavelleellaka mukutho wa enama wa miyaano, ohivelleelleke ni buledi ookhalla ni yisiti nave makhura a enama yoovelleella va nllapo naka na ehakallallo ehisungiwe ophiyera ohinase.

Eksodo 12:10

Muhihiyewo erive ello ya enameeyo ophiyera ohinase koma ello emodda yahalla muyishellellihe.

Deuteronomo 16:3

Enama yamukuthweeyo muhicheke nimodda ni buledi ookhalla ni yisiti. Mallapo matthanu ni meelli mumucheke buledi oohikhalla ni yisiti wonanko mwakhumalle o Iguputo mwawaakuva. Mumuche buledoolla, buledi a ddoohoosa wi mallapo mattheene a okumaanyu muupuwelleke nllapo nno mwakhumalleenyu o Iguputo.

Numeri 9:12

Ahinahiyavo erive ello ya enameeyo ophiyera ohinase apaalle opwesa makhuviiwa. Eereke Ehakallallo ya Paska moollikana ni malamulwiiwa mattheene.

Levitiko 7:15

Enama yoohalla ya mukutho wa eyaattano woothokozerooyo ayiche va nllapo noovelleella mukuthooyo. Ahinayisunga naari vang'ono ophiyera osiisello ohinase.

Eksodo 29:34

Enama yaahalla apaalle buledi ahalla ophiyera ohinase omushellellihe. Ehichiwe kaambiiwa tti yoopatuleya.

Eksodo 12:20

Muhicheke erive ello yookhalla ni yisiti nave m'mavaatte mwanyu mutthemwene mumucheke buledi oohikhalla ni yisiti.”

Eksodo 12:8

Eyoose enameeyo mahiiyu vaavo nave eyiche ni buledi oohikhalla ni yisiti ni matthaapa amakukhu oowaawa.

Mateyu 13:33

Yesu ahaalleellattho niphwanaphwaniho nimodda wi, “Omwene wa Mulluku tti wonanko yisiti oyo mutthiyana aamuttakanyihereeye ni othu wa tirigu munchichi ophiyera waafufuma muttheene.”

Levitiko 2:11

“Mukutho wa othu oyo onaavelleelleewe wa Apwiya ohikhalle ni yisiti vawi khewawaakhullelliwa ovelleella wa Apwiya mukutho wawoosiwa viikho oyo ori ni yisiti apaalle enwi.

Deuteronomo 16:4

Va mallapo matthanu ni meelli arive muthu ahiphwanyeyeke ni yisiti mpa mwaye mu ellapwaanyu. Enama eyo muyivelleelleenyu mukutho misikuwa a nllapo nawaamba muyicheke mahiiyu yaayo muhiyisungeke ophiyera ohinase.