Eksodo 34:15 - Mawu a Mulluku

¹⁵ Muhikeraatthiheke echipangano ni athu a ellapo yeeyo kaambiiwa yaachimwaka voollapellani milluku ddiwa ni ovelleella mikutho apaalle ttuuwiithanani wi muchena yoocha ya mikutho ddiwannddo.

Eksodo 34:15 ပူးပေါင်းရင်းမြစ်များ

Oweeruza 2:17

Koma alliwaayo kheyaawiiwellella oohollelliiwaayo vawi yaanarumeyella ni ollapella milluku ddimodda. Makhollwiiwa yaaniiwellella malamulo a Apwiya. Koma mbado yoolla mwawaakuva waahiya othwara ettilla yeella.

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

Masalimo 106:28

Athwaayo yahaamba omullapella Baala o Peori, enachana mikutho ddoovelleelliwa wa athu ookhwa.

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Numeri 25:2

Atthiyanaayo yaanawiithana omikuthoni dda milluku ddiwa. Vano yaanachana ni ollapella milluku ddiwannddo.

1 Akorinto 10:27

Muthu oohikhulupilila awiithanellani yoocha nave mwaakhullella oyaawo, muche eyo muvahiweenyu, muhikohe erive makoho ekaamba ya yawuupusella murimaanyu.

1 Akorinto 8:10

Erimakhalla wi muthu ookhalla ni yawuupusella murima yoofooka, oowoona weyaano, muthu oodduwella, ochaka mu enyumba ya nifano, yeella khemullipiha mwiilli ocha yoocha yooheraatthiwa wa mafano?

1 Akorinto 8:7

Koma khe arive muthu anadduwella yeella. Athu amodda aaddollweella mafano sika naari vano yaachaka yoocha yeella eneesave tti yooheraatthiwa mukutho wa mafano. Yawuupusella murimiiwa tti yoofooka nave enaganiza wi aaripihiwa ni yoocheeyo.

Yeremiya 3:9

Oraruwa wa Israele waari woowulliha muru vawi aaripiha ellapo. Aararuwa voollapellani mafano amalluku ni amiteekho.

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Eksodo 34:12

Moonesese wi muhikeraatthihe echipangano ni athu a ellapo eyo munayaanyunko woova wi ttuukhalla musampha wawuuchimwihani.

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Ezara 6:9

Nave erive ello yoopaalleya monga anankhoro a asaanaang'ombe, anankhoro a asaanaankhosa apaalle enkhosa dda mikutho ddooshellelliha wa Mulluku a oddullu, tirigu, mwiinyu, vinyo ni makhura moollikana ni mmo allupa mukutho o Yerusalemu enaapaallelliiwa mwaavaheke nllapo ni nllapo moohikukureya

Deuteronomo 7:2

Apwiya Mullukwaanyu yaavelleellaka athu yaalla m'mattani mwanyu nave mwaagonjiha, mwaatthollose attheenaayo navettho muhaattanena apaalle oweerella echifundo.

Numeri 15:39

Manyenje yaayo mwawoona muupuwelleke malamulo mattheene a Apwiya wi muwiiwellelleke nave muhinathwaraka ddoopaalla dda murimaanyu apaalle dda miitthwaanyu nnddo ddinaweerihani wi muhiroromelleyeke.

Eksodo 34:10

Vatulli viwa Apwiya yaallota wi, “Kineerokeraatthiha echipangano ni nyuwaano. Kineereweera ddoottikhiniha dduullupalli variyari va athu attheene, nnddo ddihineereyekevo khalle va ellapo yavatthi ettheene variyari va mitundu ddimodda ddittheddene. Athu attheene ayo eri ni weyaano eneerewoona nnddo mi Apwiya kineereemi, kaambiiwa nnddo kineereemi oweella mwa weyaano tti ddoottikhiniha.

Eksodo 23:32

Muheerena echipangano alliwaayo naarittho milluku ddiwa.

Mitteko 15:20

Koma naalembelle kalata owaalleella wi ehicheke enama ddooheraatthiwa wa mafano kaambiiwa tti ddoonanara. Nave ehiraruweke. Navettho ehicheke enama ddawiiphiwa mwawi manyokotholla makohi nave ehichekettho nikhame na enama.

Eksodo 22:20

“Arive muthu oovelleella mukutho wa milluku, ohiri wa Apwiyave, iiphiwe.

Eksodo 32:8

Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ”

Numeri 25:1

Aisraele eri o Shitimu, allopwana yahaamba oraruwa ni atthiyana a o Mowabu.

Deuteronomo 7:3

Nave muhitthellaneke ni alliwaayo nave muhaatthellaniheke aniinyu aatthiyana ni aniiwa aallopwana apaalle waatthellaniha aniinyu aallopwana ni aniiwa aatthiyana.

Deuteronomo 32:37

Vano Apwiya eneerewaakoha athwiiwa, ‘Ddiri wuuwi milluku ddamasiva mwaroromelleenyunndde?

Deuteronomo 32:38

Mwaaddichiha makhura a mikutho ddanyu, mwaaddiwiryiha vinyo. Vano ddiwettho wi dduukavihereni, ddaakuvettho wi dduutetezeni.’ ”

Yoswa 23:12

Mwahokollowella mutulli nave mwattakanyiherana ni mitundu ddoohalla nndda ddiri variyari vanyu munaatthella nave alliwa enuutthellani,

Oweeruza 3:6

Aisraelaayo yahaamba waatthella athu a milloko ddenndda nave yaanaatthelliha aniiwa wa athu a milloko ddenndda. Vatulli viwa yahaamba ollapella milluku ddiwa.

1 Epilli 5:25

Koma athwaalle kheyaaroromelleye wa Mulluku a makhollwiiwa vawi yahiivelleella wa milluku dda athu a mwiillaponimmo ayo Mulluku awoonongilleeye vamiitthoni viwa.

Ezara 9:12

Sika muhaavelleelle aniinyu aatthiyana wa aniiwa aallopwana apaalle waakusa aniiwa aatthiyana ni waavelleella wa aniinyu aallopwana. Nave muhaashe murendelliiwa apaalle eyuumiiwa wi mukhalle amasiva ni ocha ddaphaama dda mwiillaponimmo ni waahiyera aniinyu wi ekhalle yayiwayayiwa enthawi yoohimalla.’

Eksodo 22:19

“Arive muthu anakonana ni enama iiphiwe.

Deuteronomo 31:18

Ddawoona, enthawi yeeyo kineerewaareya etulli ekaamba ya machimwiiwa mattheene yeerilliiwa voollapellani milluku ddimodda.