Eksodo 34:14 - Mawu a Mulluku

¹⁴ “Muhillapelleke milluku ddimodda, ekaamba yawi Apwiya ayo nnddina niwa tti Nahache, tti Mulluku eehache.

Eksodo 34:14 ပူးပေါင်းရင်းမြစ်များ

Deuteronomo 4:24

Vawi Apwiya Mullukwaanyu tti munllo wooshellelliha nave tti Mulluku eehache.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

1 Akorinto 10:22

Apaalle ninapaalla wi niweerihe Apwiya ehache? Nnaganiza wi masivaahu tti ookhwaranya ayiwa?

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Nahumu 1:2

Apwiya tti Mulluku eehache ni oohokollosella ddoonanara, tti oollaka ni oowalli, ennaahokollosella ddoonanara oowaavaanyiha, ennaashella murima adaniiwa.

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Deuteronomo 6:15

Vawi mweera ddennddo owalli wa Apwiya oneerewuukharellani wonanko munllo nave eneerewuutthollosani va ellapo yavatthi kaambiiwa Apwiya Mullukwaanyu ayo enakhalla variyari vanyu tti Mulluku eehache.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

Deuteronomo 5:7

“Ohikhalleke ni milluku ddimodda koma meeneve.

Deuteronomo 5:24

ellota wi, ‘Apwiya Mullukwaahu yaanooniha ottekweeniiwa ni ntitimiho niwa nave naawiiwa ellotaka eri m'munlloni. Sika ollello nohoona wi muthu ttuukhallave ni okumi naari Mulluku allotille ni olliye.

Eksodo 33:19

Vano Apwiya yahaakhulla wi, “Kineerowooniha oreera murima waka ottheene nave kineeroromolla nnddina naka nawi Apwiya vamiitthoni vawo. Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

1 Mamwene 14:15

Nave Apwiya eneeromutikha Israele wonanko epango yam'maaddini. Eneerewaavenyihamo Aisraele attheene mu ellapo yaphaameella eyo yaavahilliiwa makhollwiiwa nave eneerewaapallallesella okhopella wa muhinje wa Yufurate, kaambiiwa yahiisemella mafanwiiwa a Asherimu waashiha murima Apwiya.

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

Ezekiele 23:25

Kineerowakhullella wi eweerelleke ddeekuku kaambiiwa kohuunanariwella. Eneerewuuphadda ephuna ni maaru nave ayo enaahalle mwa weyaano eneerowiipha ni nsupada. Eneerowaakha anaawo aallopwana ni aatthiyana nave ayo enaahalle mwa weyaano eneeroosha ni munllo.

Oweeruza 6:10

Kahuulleellani wi mi tti Apwiya Mullukwaanyu, muhinallapella milluku dda Aamori ayo munakhalleenyu mwiillaponi mwiwa koma khamwaapwathille mawaaka.’ ”