Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eksodo 33:3 - Mawu a Mulluku

3 Khaweni o ellapo yooddalla mukaka ni enwi. Koma miyaano ngithaananana kaambiiwa nyuwaano tti athu awumma murima nave miyaano ttuuwoonongani m'musewuni.”

အခန်းကိုကြည့်ပါ။ ကော်ပီ




Eksodo 33:3
33 ပူးပေါင်းရင်းမြစ်များ  

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.


Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!


Sika vano kineereweera nnddo kaalonjezilleemi moollupella makhollwaanyu wi kineerewaavaha ellapo yamukaka ni enwi, ellapo munakhalleenyumweella.’ ” Sika kahaakhulla wi, “Amen, Apwiya.”


Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.


“Venyanivoni variyari va mulloko wa athwaalla wi kiwoononge attheene naanweene vaava.” Eellaayo yaamora ekhove ddiwa.


“Venyanivoni variyari va mulloko wa athwaalla wi kiwoononge attheene naanweene vaava.”


Mulluku ahoona mmo athwaayo yeerelliiwa ni mmo yahiyeriiwa makhallellwiiwa oonanara. Sika aarukunusa maganizwaaye, ahaakhululukella athwaayo, khaatthollonse wonanko mmo allotelleeye.


Vano Yona aavollowa m'muzindammo. Eetille olendo wa nllapo nimodda, ahaamba ollalleya wi, “Voomallani mallapo 40, Nineve aneerotthollosiwa!”


wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.


Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.


Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?


Kineerowiipha ni mullilli nave khevollowamo mwiillaponimmo. Vano kineerewuutthattusa mutundu muullupalli ni wamasiva okhwaranya alliwaalla.”


Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.


Yahaalleella wi, “Naaphiya o ellapo eyo mwanirumalleenyu. Ellapweeyo tti ya mukaka ni enwi nave ezipaso ddiwa tti nndda.


Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.


Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”


Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.


Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.


Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.


Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”


Sika Apwiya yaari emulleellille Mose wi, “Alleelle Aisraelaayo wi, ‘Nyu tti athu awumma murima. Kathaananilleke ni nyuwaano naari va enthawi yooyeva, ddaano kiwoonongilleni attheene. Vano rullani ddawiireerihana ddanyu nave kineerewoona yawi kiweereni.’ ”


Koma kheyiiwellelle, yaari eetiyamaaru wonanko makhollwiiwa yakhallelliiwa ayo yahaaroromelle Apwiya Mullukwiiwa.


Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.


Vawi Apwiya Mullukwaanyu tti munllo wooshellelliha nave tti Mulluku eehache.


Kaadduwella wi weyaano tti awumma murima, awummiha nikohi wonanko mukoko.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ