Eksodo 33:2 - Mawu a Mulluku

² Kineeromuruma mungelo vahoollo vawo nave kineerowiikara Akanani, Aamori, Ahiti, Aperezi, Ahivi ni Ayebusi.

Eksodo 33:2 ပူးပေါင်းရင်းမြစ်များ

Yoswa 24:11

Mwaallapuwa muhinje wa Yordani mwaphiya o Yeriko. Athu a o Yeriko yaawana ni nyuwaano, owaaka Aamori, Aperezi, Akanani, Ahiti, Agirigashi, Ahivi ni Ayebusi nave kahaavelleella m'matani mwanyu.

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Eksodo 23:20

“Kineeromurumiha mungelwaaka vahoollo vanyu wi uutetezeni mu ettilla ni wuuphiyihani onipuroni nko kuukhozelleemini.

Deuteronomo 7:22

Apwiya Mullukwaanyu eneerowiikariha adanaanyu vang'ono vang'ono mwaawaatamellaka. Koma khamuwora waamalliha attheene enthawi emodda vawoovani wi enama ddamuhakani ddineerewaata ni waamba owoopopihani.

Eksodo 34:11

Mwiiwellelleke malamulo alla kuulamulelleemi ollellwaalla. Kineerowiikariha Aamori, Akanani, Ahiti, Aperezi, Ahivi ni Ayebusi.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 33:12

Mose ahaalleella Apwiya wi, “Mookhalla mukilleellaka wi kaahoollelle athwaalla o ellapweeyo koma khemukilleelle oyo munaamurumeenyu wi athaanane ni miyaano. Komave moollota khalle wi, ‘Kinnuudduwella phaama nave kooweerella echifundo.’

Eksodo 34:24

Vawi kineerowiikariha mitundu ddimoddannddo nyuwaano mwaaphiyaka nave kineerewunnuwiha malire a ellapwaanyu. Khaavo naari mmodda anaapaalle waakha ellapwaanyweeyo va enthawi eyo mwaawooneyellaka vamiitthoni va mi Apwiya, oraru vamuyakhani.

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Genesis 15:21

ya Aamori, ya Akanani, ya Agirigashi ni ya Ayebusi.”

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Oweeruza 6:9

Kahuuvullusani wa Aiguputo ni wa attheene yuukatamihani kiwiikariha vamiitthoni vanyu nave kaanuuvahani ellapwiiwa.

1 Epilli 1:14

Kanani aarittho nikhollo na Ayebusi, Aamori, Agirigashi,