Eksodo 33:19 - Mawu a Mulluku

¹⁹ Vano Apwiya yahaakhulla wi, “Kineerowooniha oreera murima waka ottheene nave kineeroromolla nnddina naka nawi Apwiya vamiitthoni vawo. Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

Eksodo 33:19 ပူးပေါင်းရင်းမြစ်များ

Yeremiya 31:14

Allupa mukutho kineerewaachiha yoocha yaphaama, athwaaka eneerovona ddaphaama ddaka. Mi Apwiya koollota.”

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Yesaya 12:4

Nllapo nenno muneerollota wi, “Athokozeni Apwiya, titimihani nnddina niwa. Mullalleye mitteko ddaye variyari va mitundu dda athu, muvuwihe wi nnddina niwa tti noopambana.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Nehemiya 9:25

Nave yaagonjiha mizinda dduullupalli, yahaakha ellapo ya ethaya yaphaama, enyumba ddooddalla ni ddeko ddittheddene ddaphaama, ehime ddookatakata, emata ddampesa, dda olivi ni dda ezipaso ddimodda. Sika yaanacha, yaanavona mwawi yaananeneva nave yaanahakallalla ekaamba ya ddaphaama ddanyu dduullupalli.

Aroma 9:23

Nave apaallattho wuupullulla waata wa ntitimiho naye, nno niithellelliwe va hiyaano aneerelleeye echifundo, ayo ekhoziwe moovallallella wi yaakhelle ntitimiho naye.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Masalimo 25:13

Yooyo aneerokhalla ni okumi woohakallalla, edduullu ddaye ddineerewaakhella ellapo wi ekhalle yayiwayayiwa.

Deuteronomo 32:3

Kineerollalleya nnddina na Apwiya. Llotani wi Mullukwaahu tti muullupalli!”