Eksodo 33:1 - Mawu a Mulluku

¹ Vano Apwiya yaamulleella Mose wi, “Ovenyewo wuno ni athu ayo waakhumihalleewe o Iguputo nave oye o ellapo eyo kallupenlleemi wi kineeromuvaha Abrahamu, Isaki ni Yakobo voollotani wi, ‘Ellapo yeella kineeroyivaha wa edduullu ddanyu.’

Eksodo 33:1 ပူးပေါင်းရင်းမြစ်များ

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

Eksodo 32:7

Vano Apwiya yaamulleella Mose wi, “Akuva, kittha mwaango vawi athwaawo waakhumihalleewe o Iguputwaalle aachimwa nave aakikhoota wunchichi.

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Eksodo 32:1

Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”

Eksodo 17:3

Koma athwaalle yaakhalla ni nthona wunchichi nave yaakhupanyella wa Mose ellota wi, “Kaambiiwa tini mwanikhumihelleenyu o Iguputo wi muniiphe ni nthona, hiyaano ni aniihu vamodda ni eziweto ddahu?”

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Genesis 26:1

Mwiillaponimmo mwaakhalla ettalla woonjerera va yawaambeelle mu enthawi ya Abrahamu. Sika Isaki aaya wa Abimeleki mwene a Afilisti o Gerari.

Genesis 28:10

Yakobo aatimulla olendo ovenyera o Beeresheba, oya o Harani.

Levitiko 20:24

Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.

Numeri 11:12

Ethiyo kakusalle erukullu ya athu attheenaalla tti miyaano? Ethiyo kaayarille tti miyaano? Kaambiiwa tti nyuwaano mukilleelleenyu wi kaakhupaarelleke wonanko mmo muyepelle aneerelleeye voomwaamwihani mwaana nave wi kaakuselle o ellapo eyo mwaalonjezilleenyu makhollwiiwa moollupella?

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”