Eksodo 32:31 - Mawu a Mulluku

³¹ Vano Mose aahokollweella wa Apwiya allota wi, “Athwaalla yaachimwa wunchichi. Yahiipangella mulluku agolide.

Eksodo 32:31 ပူးပေါင်းရင်းမြစ်များ

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Daniele 9:8

Nyu Apwiya, muru oniwulle hiyaano vamodda ni mamwenaahu, enduna ddahu ni makhollwaahu ekaamba yawi nohuuchimwellani.

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Nehemiya 9:33

Nyu tti oolungama va ddittheddene ddinimorenlle, nyu tti oororomelleya koma hi tti oochimwa.

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

Eksodo 34:28

Sika Mose aakhalla ni Apwiya wenko mallapo 40, otthaana ni mahiiyu ohicha apaalle owirya erive ello. Nave aalemba vamallukunaalle mawu mattheene a echipangano, sika malamulo khumi.

Eksodo 20:4

“Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo.

Nehemiya 9:18

Naari yiipangelliiwa nifano na musaanaang'ombe ellota wi, ‘Olla sika Mullukwaahu anikhumihalle o Iguputo,’ nave naari yeerille ddeko ddawuuvevullani dduullupalli,