Eksodo 32:30 - Mawu a Mulluku

³⁰ Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

Eksodo 32:30 ပူးပေါင်းရင်းမြစ်များ

1 Samuele 12:20

Samuele ahaalleella wi, “Muhoove, ochimwa moochimwa koma muhinahiya waathwara Apwiya. Mwaarumeyelleke ni murimaanyu muttheene.

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

2 Mamwene 17:21

Apwiya yaahiyanihalle Aisraele, waavenyiha va nibanja na Davide, alliwa yaamutthoolla Yerobowamu mwaana a Nebati wi akhalle mwene variyari wiwa. Olliye ahaahiiha Aisraele wi ehaathwareke Apwiya nave ahaachimwiha wunchichi.

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

1 Samuele 12:23

Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.

Numeri 16:47

Sika Aroni aakusa yoothuwihella mwiisi moollikana ni mmo Mose allotelleeye athamakella variyaririyari va mutthukumanooyo. Nave ahoona mullilli waambille khalle va athwaayo. Vano aahella lubani, eera mutetho woopepesella machimo a athwaayo.

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

Agalatiya 3:13

Nave vookhallani ootembeleliwa munipuroni mwahu, Khrisitu oonoopolla hiyaano o otembeleliwa wa malamulo. Vawi mawu a Mulluku enallota wi, “Arive muthu anatthomeyiwa vamuteekhoni tti ootembeleliwa ni Mulluku.”

Aroma 9:3

va athu aakaaka! Vawi kapaalla wi miyaano meekhaaka kitembeleliwe ni Mulluku ni omwallanihiwa ni Khrisitu ekaamba ya alliwaayo.

Luka 15:18

Kineerotimulla kiye wa attiitthaaka kallote wi, Attiitthaaka, kaamuchimwella Mulluku ni nyuwaano.

Luka 7:47

Vano kinallota ni weyaano wi echikondi yinchichi eyo oonihelleeye, tti omboni wawi machimwaaye manchichaayo aakhululukiwa koma ayo ekhululukelliwe vang'ono enoonihattho echikondi yooyeva.”

1 Samuele 2:17

Sika ochimwa wa anamwani a Eli waari wuullupalli vamiitthoni va Apwiya vawi yaanavevulla mukutho wa Apwiya.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

2 Samuele 12:9

Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

Eksodo 32:29

Vano Mose ahaalleella Alevaayo wi, “Ollellova mohiipatula weekhiinyu wi mukhalle allupa mukutho owaarumeyella Apwiya, voowiiphani aniinyu ni asinninyu. Sika Apwiya ahuudalisani ollello.”

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

1 Samuele 12:17

Ethiyo ella khehiyo ellimwe, enthawi yoomuhata tirigu? Koma kinapaalla kaaveke Apwiya wi emurupihe murimu oowa ni ogugudeya. Moona ddenndda mudduwelle wi ochimwa wanyu tti wuullupalli, voovekani wi mukhalle ni mwene.”

1 Samuele 12:19

Nave athu attheene yaawa wa Samuele ellota wi, “Pepaani, munivekelle hiyaano oorumeyellaanyu wa Apwiya Mullukwaanyu wi nihikhwe. Noodduwella wi nookhalla nichimwaka mutullimmu nave nohaanjereravo nichimo nimodda voovekani wi nikhalle ni mwene.”