Eksodo 32:22 - Mawu a Mulluku

²² Aroni ahaakhulla wi, “Pepaani apwiya muhikishelle murima. Munnadduwellattho wi athu yaalla tti ookopeya ni machimo.

Eksodo 32:22 ပူးပေါင်းရင်းမြစ်များ

Deuteronomo 9:24

Mookhalla mwaawukilaka Apwiya ovenyera nllapo nno kuudduwenlleemini.

1 Samuele 15:24

Saulo aamulleella Samuele wi, “Koochimwa, ngaawiiwellelle Apwiya ni nyuwaano vawi kawoova athu ni owiiwellella alliwaayo.

Eksodo 16:20

Koma athu amodda kheyaamwiiwellelle Mose nave yaasunga yoocha emodda ophiyera ohinase. Ohinasevo yoocheeyo yaaddalla ni miingu nave yahunta. Vano Mose ahaashella murima.

Eksodo 15:24

Nave athwaalle yaakhupanyella wa Mose, emukoha wi, “Ethiyo hiyaano ninaawirye tini?”

Eksodo 14:11

Yaamukoha Mose wi, “Ethiyo tti ekaamba yawi o Iguputo khewaari nipuro na mahame nyuwaano muniphiyihalleenyu o echipululu wuno wi nikhwellewo? Muneerille tini onikhumiha mu Iguputo?

Miyambo 4:16

Vawi khenakona ophiyera yeerille ello yoonanara. Ekhove kheddinawa ophiyera emukwakwatuwihalle mmodda.

Masalimo 36:4

Anaganiza ddoowukila aakonaka mahiiyu, anneeta mu ettilla eyo ehiri yaphaama, khanarapa ddoonanara.

Deuteronomo 31:27

Vawi kinnadduwella phaama dda owukila ni wumma murima wanyu. Mwaambille khalle waawukila Apwiya, munaawukille okavi miyaano kakhwa!

Deuteronomo 9:7

“Upuwellani nave muhitiwalle mulle mwaashihelleenyu murima Apwiya Mullukwaanyu muchipululuni. Ovenyera nllapo nne mwakhumalleenyu mu Iguputo ophiyera nllapo nno mwaphiyalleenyu wuno mookhalla mwaawukila Apwiya Mullukwaanyu.

Eksodo 16:28

Sika Apwiya yaamukoha Mose wi, “Ethiyo munaakhalleve athu ookhoota wiiwellella mawaaka ni malamulwaaka ophiyera niini?

Genesis 44:18

Sika Yuda ahaatamella wa Yosefe nave allota wi, “Pepaani apwiya, kaakhullelleni mi oorumeyellaanyu wi killote ni nyuwaano. Muhikishelle murima apwiya vawi nyuwaano muri wonanko Farao.

Eksodo 32:21

Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”

1 Samuele 15:15

Saulo ahaakhulla wi, “Ddennddo kaddikusalle wa Aamaleke vawi athu yaasunga enkhosa ni eng'ombe ddaphaama wunchichi wi yavelleelle mukutho wa Apwiya Mullukwaanyu. Koma ddimodda ddittheddene naaddoononga”

1 Samuele 15:21

Koma athu yahaakhawo enkhosa ni eng'ombe ddoophwanella woonongiwa wi yaavelleellelle mukutho Apwiya Mullukwaanyu, o Giligala.”

Eksodo 32:1

Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”