Eksodo 32:10 - Mawu a Mulluku

¹⁰ Vano ohikivaanyihe wi kiwoononge athwaalla vawi koosha murima wunchichi koma weyaano kineerewuutthattusa mutundu muullupalli.”

Eksodo 32:10 ပူးပေါင်းရင်းမြစ်များ

Deuteronomo 9:14

Vano ohikivaanyihe vawi kinapaalla kiwoononge nave khewa yuupuwelleya va ellapo yavatthi. Koma weyaano kineerewuutthattusa mutundu muullupalli ni wamasiva okhwaranya alliwaalla.

Numeri 14:12

Kineerowiipha ni mullilli nave khevollowamo mwiillaponimmo. Vano kineerewuutthattusa mutundu muullupalli ni wamasiva okhwaranya alliwaalla.”

Deuteronomo 9:19

Miyaano kaanoova osha murima wa Apwiya wawoopihanko ekaamba yawi yaaweerowoonongani. Koma enthawi yeeyo Apwiya yahiiwattho ovekella waka.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Eksodo 32:19

Mose aphiyalle vakhuviru ni misasa ni woona musaanaang'omboolle ni athu awiina, aasha murima wunchichi. Ahaavokhella vatthi malluku yaari m'mattani mwayaalle, aapwesa museresere mwa mwaangoolle.

Eksodo 32:11

Koma Mose ahaapepesa Apwiya Mullukwaaye wi, “Nyu Apwiya kaambiiwa tini mwaashenlleenyu murima athwaanyu mwawi ddiidda, athu ayo mwaakhumihalleenyu o Iguputo ni masivaanyu uullupalli ni nnatta nanyu namasiva?

Eksodo 22:24

Nave kineerewuushella murima nave kineerowiipha okhotoni wi mwaariyo atthattuwe naamukhwelle nave anaawo etthattuwe ookhwelliwa.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 14:11

Vatulli viwa Apwiya yaakilleella wi, “Ohaavekellelle athu yaalla, owaashella ddaphaama.

Eksodo 33:3

Khaweni o ellapo yooddalla mukaka ni enwi. Koma miyaano ngithaananana kaambiiwa nyuwaano tti athu awumma murima nave miyaano ttuuwoonongani m'musewuni.”

Numeri 16:21

“Venyanivoni variyari va mulloko wa athwaalla wi kiwoononge attheene naanweene vaava.”

Masalimo 106:23

Sika ekaambiiwa aalleelleeye wi aweerewoononga, Mose ootthoolliwaaye ahimmenlleke vamiitthoni vaye ni ohiiha osha murima waye wi ahiiwoononge.

Yeremiya 7:16

Apwiya yaallota wi, “We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella.

Yeremiya 11:14

We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella yaakiithanaka va enthawi ya ddoohoosa ddiwa.”

Ezekiele 20:13

Koma Aisraele yaakiwukila muchipululuni. Kheyaathwanre malangizwaaka nave yaakhoota malamulwaaka owaavaha okumi athu oowiiwellella. Athwaayo yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.