Eksodo 32:1 - Mawu a Mulluku

¹ Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”

Eksodo 32:1 ပူးပေါင်းရင်းမြစ်များ

Mitteko 7:40

Vano yaamulleella Aroni wi, ‘Noopelle milluku ddawi ddinihoollelleke vawi khaninadduwella emweereyelle Mose, oyo anikhumihalle o Iguputo.’

Deuteronomo 9:9

Miyaano kaawella mwaango wi kaakhelle malluku meelli mvo valembiwe echipangano eyo Apwiya yakeraatthihalliiwa ni nyuwaano. Kaakhalla omwaangoni wulle mallapo 40, otthaana ni mahiiyu nave ngaachille apaalle owirya erive ello.

2 Petro 3:4

nave eneerokoha wi, “Ethiyo Apwiinyu kheyaawuulonjezilleni wi eneeroowa? Eri wuuwi? Makhollwaahu aakhwa khalle nave erive ello tti wonanko mmo yaariiwa waambeella ophatusiwa wa ellapo yavatthi!”

Eksodo 24:18

Mose aavollowa m'muraponimmo aphiya vaddullu va mwaango. Mose aakhalla wenko mallapo 40, otthaana ni mahiiyu.

Mateyu 24:48

Koma mullupa muttekoolle akhalla oonanara, aneerollota m'murimani mwaye wi apwinnya emmaselliwa.

Mitteko 17:29

Ekaamba yawi niri anamwani a Mulluku, nihiganizeke wi ari wonanko mafano a golide apaalle siliva apaalle nlluku, ddoopangiwa ni ezeru ni matta a athu.

Mitteko 19:26

Vano munnoona ni wiiwa nyookha ddineera Paulo. Olliye anallota wi milluku ddoosemiwa ni athu khe milluku nave ohaakopa athu anchichi mu Efesommu naarittho mu echigawo ettheene ya Asiya.

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.

Eksodo 32:11

Koma Mose ahaapepesa Apwiya Mullukwaaye wi, “Nyu Apwiya kaambiiwa tini mwaashenlleenyu murima athwaanyu mwawi ddiidda, athu ayo mwaakhumihalleenyu o Iguputo ni masivaanyu uullupalli ni nnatta nanyu namasiva?

Eksodo 32:7

Vano Apwiya yaamulleella Mose wi, “Akuva, kittha mwaango vawi athwaawo waakhumihalleewe o Iguputwaalle aachimwa nave aakikhoota wunchichi.

Eksodo 14:11

Yaamukoha Mose wi, “Ethiyo tti ekaamba yawi o Iguputo khewaari nipuro na mahame nyuwaano muniphiyihalleenyu o echipululu wuno wi nikhwellewo? Muneerille tini onikhumiha mu Iguputo?

Eksodo 13:21

Enthawi yootthaana Apwiya yaanaahoollella ni opoto amurapo nave enthawi ya mahiiyu, yaanaahoollella ni opoto amunllo, waamolleella ettilla wi yeeteke otthaana ni mahiiyu.

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Genesis 44:15

Nave Yosefe aallota wi, “Mweerilleenywiilla tti tini? Ethiyo khamunadduwella wi muthu wonanko miyaano kinnoombesa ddamuhoollo?”

Yoswa 7:13

Venya, weellihe athu ollote wi ddeelliheni osiisello kaambiiwa miyaano Apwiya Mulluku a Aisraele, kineerewaalleella wi, ‘Nyu Aisraele, variyari vanyu vookhalla ddeko nndde kuulleelleemini wi ddoophwanella woonongiwa. Nyuwaano khemuwora ollipana ni adanaanyu ophiyera muvenyihallevo ddeko ddenndda.’

Eksodo 33:3

Khaweni o ellapo yooddalla mukaka ni enwi. Koma miyaano ngithaananana kaambiiwa nyuwaano tti athu awumma murima nave miyaano ttuuwoonongani m'musewuni.”

Genesis 44:4

Yeetille vang'ono okhuma m'muzindanimmo, Yosefe aamulleella kaporwaaye oowehera ddittheddene dda mpa mwaye wi, “Timulla, waathamakelle athwaalle. Waaphwanya, waakohe wi, ‘Kaambiiwa tini muhokolloselleenyu ddoonanara munipuroni mwa ddaphaama?

Genesis 39:8

Koma Yosefe aakhoota wi, “Ngoonani, apwiyaaka khenapwatha dda erive ello yampammu, ekaamba ya miyaano. Ookivaha odindo woowehera ddaaye ddittheddene,

Genesis 19:14

Enthawi yeeyo Loti aaya wa asombwe ayo yapaalla waatthella anaaye aalleella wi, “Akuvani, hankoni nikhumewo wuno, ekaamba yawi vihanlle enthawi vang'ono wi Apwiya yoononge nipuronna.” Koma alliwaayo yaganiza wi aamasellulla.

Mateyu 24:43

Mwaneena a enyumba adduwenlleke enthawi yooweella mullupaawiiya, aawerekowehera wi mullupaawiiyooyo ahivollowe mu enyumbeeyo.

Genesis 21:26

Abimeleki aallota wi, “Nginamudduwella enre ddenndda. Naari nyuwaano khamwaakilleelle nave miyaano kiniiwella vaava.”

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Eksodo 32:23

Alliwaalla yaakilleella wi, ‘Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.’

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Ezekiele 20:8

Koma yaakiwukila ekhoota okiiwellella. Khaavo naari mmodda oyo atathillalle ddoonanara ddaye nnddo ddamuhakallalliha nave khaavo naari mmodda oyo ahiyalle mafano a o Iguputo. Vano kaaganiza ddoowoonihella owallaaka ni osha murima waka o Iguputo wenko.

Eksodo 24:12

Apwiya yaamulleella Mose wi, “Ngawa wa miyaano omwaangoni wuno nave otiyere weewuno. Kineerewuuvaha malluku ayo kilembilleemivo malamulo wi kaahuddihe athu.”

Eksodo 32:22

Aroni ahaakhulla wi, “Pepaani apwiya muhikishelle murima. Munnadduwellattho wi athu yaalla tti ookopeya ni machimo.

Deuteronomo 9:1

“Ngiiwani nyu Aisraele! Muhanlle vang'ono ollapuwa muhinje wa Yordani ni waakha ellapo ya mitundu dda athu anchichi ni amasiva wuukhwaranyani nyuwaano. Mizinda ddiwa tti dda mipanda ddoorekama.

Deuteronomo 31:8

Apwiya aneeniiwa eneerewuuhoollella nave eneerokhalla ni weyaano. Kheyuuhiya weekha apaalle wuutathilla, sika ohoove apaalle otathilla murima.”

Masalimo 106:19

Yaamoopa musaana eeng'ombe o Horebu, enallapella nifano naweeka.