Eksodo 31:6 - Mawu a Mulluku

⁶ Koomutthoollattho Oholiyabu, mwaana a Ahisamaki, a nlloko na Dani. Nave athu amodda attheene eeruso kohaavaha eruso ddinchichi ddaweera erive ello eyo kuulamulalleemi.

Eksodo 31:6 ပူးပေါင်းရင်းမြစ်များ

Eksodo 35:34

Nave Apwiya yaamuvaha ezeru olliye ni Oholiyabu mwaana a Ahisamaki, a nlloko na Dani wi yaahuddiheke amodda erusweeyo.

Eksodo 35:10

“Athu attheene eeruso ewe wi epange ddittheddene Apwiya elamulalliiwa.

Eksodo 28:3

Waalamule athu attheene eeruso, attheene ayo kaavahilleemi ezeru wi esowe ddoowara dda Aroni nnddo anaawareeye yaamuzozaka wi akhalle mullupa mukuthwaaka.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Luka 10:1

Ddimallille ddenndda Apwiya yahaatthoolla amodda 72 yaaruma eellieelli wi ehoolle oya m'matawoni mutthemwene ni m'mapuroni mattheene nko apaalleeye wi ayeewo mwaneenaaye.

1 Mamwene 3:12

sika kineeroweerella nnddo ovekilleewe. Kineerewuuvaha ezeru ni odduwella wawi khanooneyeke muthu oophwanaphwana ni weyaano navettho khawa ooneya mmodda oophwanaphwana ni weyaano vatulli vawo.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Eksodo 36:8

Sika athu eeruso attheene variyari va oophara mutteko yaatthipella musasa wamutthukumano voopharihani mutteko ekuwo ddabafuta aphaama khumi navettho ni ekuwo ddabululu, ddooreera ddoofiira ni ddoofiira. Ekuwo ddenndda yaaddipeta phaama ni ezithuzi dda akerubi.*

Eksodo 6:26

Mose ni Aroni tti alle Apwiya yaalleelliiwa wi, “Akhumiheni Aisraele mu ellapo ya Iguputo, mallokomalloko.”

Eksodo 31:5

ogoba malluku, ogoba miteekho ni weera ddeeruso ddittheddene.

Eksodo 35:35

Alliwaalla aavahiwa eruso yuullupalli wi ephare mitteko ddittheddenenndda wonanko athu oogoba, oojambula mapulani ni awoopa ekuwo ddabafuta aphaama, dda bululu, ddooreera ddoofiira ni dda nthoche naphaama. Ennadduwella ophara mitteko ddittheddene nave ennawora ojambula mapulani a mitteko ddittheddene ddeeruso.

Eksodo 38:23

Oomukaviheraaye Oholiyabu, mwaana a Ahisamaki, a nlloko na Dani, aari eeruso yoogoba malluku, ojambula mapulani ni woopa ekuwo ddabululu, ddooreera ddoofiira, ddoofiira navettho ddabafuta aphaama.

Eksodo 35:4

Mose ahaalleella Aisraele attheenaalle wi, “Apwiya enimuulamulani wi,