Eksodo 31:17 - Mawu a Mulluku

¹⁷ Ella tti echizindikiro yoohimalla variyari va miyaano ni Aisraele vawi mi Apwiya kaaphatusa oddullu ni ellapo yavatthi wa mallapo matthanu ni nimodda nave kahiithuuwa nave masiva yaahokollweellamo va nllapo naneetthanu ni piilli.’ ”

Eksodo 31:17 ပူးပေါင်းရင်းမြစ်များ

Eksodo 31:13

“Alleelle Aisraele wi, ‘Musungeke Sabata, kaambiiwa tti echizindikiro yoohimalla variyari va miyaano ni nyuwaano mu mibado ddanyu ddittheddene, yawooniha wi mi tti Apwiya, ayo kinuupatulani.

Genesis 1:31

Mulluku aaweeha ddittheddene nnddo addiphatusalleeye nave ahoona wi ddaari ddaphaama wunchichi. Nave waakhalla misikuwa navettho waakhalla ohinase, nllapo naneetthanu ni nimodda.

Ezekiele 20:12

Kahaavaha nllapo na Sabata wi nikhalle echizindikiro variyari va miyaano ni alliwa wi edduwelle wi mi Apwiya kinnapatula.

Aheberi 4:10

Vawi wa ayo enaavollowe mu wiithuuwa nko Mulluku alonjezilleeye khalle eneerewiithuuwa emallihalle ophara mitteko ddiwa, othwarihella wi Mulluku ahiithuuwattho ohiya mitteko ddaye.

Ezekiele 20:20

Muriiheke mallapwaaka a Sabata wi ekhalle oopatuleya ni echizindikiro variyari va miyaano ni nyuwaano. Sika muneerodduwella wi mi tti Apwiya Mullukwaanyu.’

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Masalimo 104:31

Ntitimiho na Apwiya nikhalle wa enthawi yoohimalla, Apwiya ehakallallena mitteko ddiwa.

Yobu 38:7

Valle etheneeri ddoohinase ddiipiiwa vamodda nave anamwani aallopwana a Mulluku yakhuwiiwa moohakallalla?

Eksodo 20:11

Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.

Eksodo 31:16

Aisraele ni mibado ddiwa ddittheddene ddamuhoollo esungeke na Sabata wonanko echipangano yoohimalla.

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.