Eksodo 3:18 - Mawu a Mulluku

¹⁸ Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Eksodo 3:18 ပူးပေါင်းရင်းမြစ်များ

Eksodo 9:1

Vano Apwiya yaamulamula Mose wi, “Khawe wa Farao wamulleelle wi, ‘Apwiya Mulluku a Aheberi, enallota wi owaakhullelle athwaaka evenyewo wi eye yakillapelle.

Eksodo 7:16

Wamulleelle wi, “Apwiya Mulluku a Aheberi, ookiruma wa nyuwaano wi kuulleelleni mawu awi, ‘Owaakhullelle athwaaka wi evenyewo wi eye yakillapelle ochipululuni.’ Koma ophiyera ollello khokiiwellelleve.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Eksodo 9:13

Vano Apwiya yaamulleella Mose wi, “Osiisello ohinase oye wakumane ni Farao, wamulleelle wi, ‘Apwiya Mulluku a Aheberi, enallota wi owaakhullelle athwaaka evenyewo wi eye yakillapelle.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

Yoswa 1:17

Nineerowiiwellellani wonanko mmo namwiiwellelleehu Mose. Apwiya Mullukwaanyu, ekhalle ni nyuwaano wonanko mmo yakhallelliiwa ni Mose!

Numeri 17:4

Nave ekoponnddo oddihiye mu musasa wamutthukumano vahoollo va nibokosi na echipangano valle kinakumaneemi ni weyaano.

Eksodo 30:6

Nikuwanno onihiye vahoollo va ekatani yootchinga nibokosi na echipangano, vahoollo va yookhuneella eyo eri vaddullu va nibokosi na echipangano. Va nipuro nenna tti mvo kinaakumanekeemi ni weyaano.

Eksodo 25:22

Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.

Eksodo 19:1

Aisraele yaavenyawo o Refidimu nave yaaphiya o echipululu ya Sinai, yaatthipella misasa omwaangoni wa Sinai. Yaphiyallewo va nllapo nawaamba na mweeri waneeraru ekhumalle o Iguputo.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Eksodo 4:24

Vatulli viwa Apwiya yaakumanana Mose m'musewuni wooya o Iguputo, vanipuroni nookonellavo olendo nave yahallille vang'ono omwiipha.

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Genesis 48:3

Nave Yakobo aamulleella Yosefe wi, “Mulluku Amasiva Mattheene oyo akooneyelle o Luzi mu ellapo ya Kanani, aakidalisa.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 12:1

Vano Apwiya yaamwiithana Abramu wi, “Hiya ellapwaawo ni abalaawo ni nibanja na attiittho nave oye o ellapo eyo kinuutthoonyihelleemi.

Yeremiya 26:5

mwaahiiwellella mawu a anamallotella, amurummwaaka, ayo kaarumalleemi wa nyuwaano naari muhiwiiwellellaka,

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yesaya 64:5

Munnawaakhella attheene ookonda echilungamo, aweeseesa weeta moollikana ni opaalla wanyu. Ddawoona, mwaanishella murima komave hiyaano naavirellella ochimwa. Noochimwa wa enthawi yoorekama. Ethiyo vano ninoopolliwe mwawiidde?

Eksodo 30:36

Osille phaama embali emodda nave ovahullewo vang'ono ni ohiya vahoollo va nibokosi na echipangano mu musasa wootthukumanellamo ni nyuwaano. Lubani nenna wa nyuwaano nikhalle naweella wunchichi.

Genesis 14:13

Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni.

Eksodo 4:1

Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”

Eksodo 5:1

Vatulli viwa Mose ni Aroni yaaya wa Farao emulleella wi, “Apwiya Mulluku a Israele, enallota wi, ‘Owaakhullelle athwaaka eye o echipululu wi yeere ehakallallo yookillapella miyaano.’ ”

Eksodo 5:3

Vano alliwa yaamulleella wi, “Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu. Naahiyaawo aneeroniipha ni ereta apaalle ekhoto.”

Eksodo 8:1

Vatulli viwa Apwiya yaamulamula Mose wi, “Khawe wa Farao wamulleelle wi Apwiya enallota wi, ‘Owaakhullelle athwaaka wi evenyewo eye yakillapelle.

Eksodo 8:20

Vano Apwiya yaamulleella Mose wi, “Osiisello ohinase, oye wakumane ni Farao ayaaka omuhinjeni nave wamulleelle wi, ‘Apwiya enallota wi, owaakhullelle athwaaka wi evenyewo wi eye yakillapelle.

Eksodo 17:5

Vano Apwiya yaamulleella Mose wi, “Waakusewo oohoollella amodda a Aisraele, mwakhalle vahoollo va athwaayo. Nave okuse ekopo elle wawashunlleewena maaddi a m'muhinjeni wa Nailo nave oyeewo.

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Eksodo 8:23

Sika kineerohiyaniha athwaaka ni athwaawo. Yoottikhiniha yeella eneereweereya osiisello.’ ”