Eksodo 3:12 - Mawu a Mulluku

¹² Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Eksodo 3:12 ပူးပေါင်းရင်းမြစ်များ

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Deuteronomo 31:23

Vano Apwiya yaamulleella Yoswa, mwaana a Nuni wi, “Khalla amasiva ni oollipa murima. Oneerewaahoollella Aisraele ovollowa mwiillaponi eyo kallupenlleemi nave kineerokhalla ni weyaano.”

Genesis 31:3

Sika Apwiya yaamulleella wi, “Hokollweella o ellapo ya makhollwaawo ni ya abalaawo nave miyaano kineerokhalla ni weyaano.”

Eksodo 4:15

Oneeromulleella yawi allote. Kineerewuukaviherani ollota eelliinenyu nave kineerowuulleellanittho ddawi mweere.

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Mitteko 11:21

Masiva a Apwiya yaari ni alliwaayo nave athu anchichi yaakhulupilila erukunuwella murima wa Apwiya.

Mariko 16:20

Oohuddera yaavenya enallalleya virive veko. Nave Apwiya yaapharana mutteko vamodda nave yaanasimikizella ddoollalleya ddiwa wi tti ddawoona vaweerani ddoottikhiniha.] [

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Masalimo 86:17

Mukoonihelle echizindikiro ya oreera murima wanyu wi awiitana ni miyaano ewulliwe muru, vawi nyuwaano, Apwiya mookikavihera, mookhurumusa murima.

Yesaya 37:30

Vano Yesaya aamulleella mwene Hezekiya wi, “Echizindikiro ya nnddo ddineereye tti yawi muyakha yoolla munaamuche tirigu animorella muyakha woosiisello aneeromella mwawi ddiiddo. Muyakha woothwarellella muneeromullima ni omuhata tirigu, muneerewaalla miteekho ddampesa ni ocha ezipaso ddene.

Oweeruza 7:11

Oneerewiiwa nnddo enallotiiwa vano oneerollipa murima nave oneeroya wawanena Amidiyani ayo eri m'misasanimmo.” Vano Gideoni ni Puri oorumeyellaaye, yaaya okhwipi omodda wa misasannddo nko waari akhoto.

Oweeruza 6:21

Vano mungelo a Apwiya aakusa ekopo m'mattani mwaye attannya ni etthoka ya ekopo enameelle ni buledoolle. Munllo waakhara ovenyera vanllukuni valle oshellelliha enameelle ni buledoolle. Vano mungelo a Apwiyoolle aarimeella ahooneyattho

Oweeruza 6:17

Vano Gideoni aallota wi, “Apwiya mwaarimi mukeerelle echifundo, kooniheni echizindikiro yawi tti nyuwaano munallota ni miyaano.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 15:8

Koma Abramu aakoha wi, “Apwiya Mulluku, ethiyo kinaadduwelle mwawiidde wi ellapweella enaakhalle yaaka?”

Mitteko 7:7

Koma kineerewaallaka athu enaarumeyellekeewaayo, vano edduullu ddawonnddo ddineerokhumawo o ellapweeyo wi ddikillapelle miyaano weewuno.

Eksodo 3:1

Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku.

Eksodo 3:13

Mose ahaakhulla wi, “Apaalle miyaano kaya wa Aisraelaayo niwaalleella wi Mulluku a makhollwaanyu ookirumiha wa nyuwaano, alliwaayo ttuukikoha wi, ‘Nnddina naye ttaani?’ Ethiyo mi kaalleelle wi tini?”

Eksodo 18:5

Sika Yeterooyo aawa ni mwaariye a Mose ni anaaye aallopwana o echipululu wulle, onipuroni wulle Mose atthipenlleeyewo misasa, omwaangoni wa Mulluku.

Eksodo 33:14

Nave Apwiya yaallota wi, “Mi kineerothaana ni weyaano nave kineerewuuvaha murendelle.”

Numeri 16:28

Mose aallota wi, “Vano muneerodduwella wi mitteko ddittheddene kineereeminndda yakirumalle tti Apwiya, khe dda m'muruni mwaka.

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.

Oweeruza 6:16

Apwiya yaamulleella wi, “Mi kineerokhalla ni weyaano nave oneerewaagonjiha Amidiyani wonanko muthu mmodda.”

2 Mamwene 19:29

Vano Yesaya aamulleella mwene Hezekiya wi, “Echizindikiro ya nnddo ddineereye tti yawi muyakha yoolla munaamuche tirigu animorella muyakha woosiisello oomella mwawi ddiiddo, muyakha woothwarellella muneeromullima ni omuhata tirigu, muneerewaalla miteekho ddampesa ni ocha ezipaso ddene.

Yeremiya 1:8

Ohiwoove athwaayo vawi kiri ni weyaano wi kuuvulluse. Mi Apwiya koollota.”

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Eksodo 8:27

Ninaphwanella weeta olendo wookwakhwana mallapo mararu muchipululuni wi navelleelle wa Apwiya Mullukwaahu, moollikana ni mmo yanilamulelliiwa.”

Oweeruza 6:12

Vano mungelo a Apwiya aamooneyella allota wi, “Apwiya eri ni weyaano, we muthu amasiva ni oollipa murima.”

1 Samuele 14:10

Koma yallota wi, ‘Waani wuno,’ hiyaano niyeewo vawi Apwiya ahaahiya athwaayo m'mattani mwahu, yeella enaakhalle echizindikiro wa hiyaano.”

1 Epilli 9:20

Nave Finehasi, mwaana a Eleazara, sika aahoollella. Apwiya yaari ni olliye.