Eksodo 29:9 - Mawu a Mulluku

⁹ Nave waamakellettho laamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo wa enthawi yoohimalla. Mmu sika onaamuzozelleewe Aroni ni anaaye.

Eksodo 29:9 ပူးပေါင်းရင်းမြစ်များ

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

Deuteronomo 18:5

Apwiya yahaatthoolla athu a nlloko na Levi variyari va mallokwaanyu mattheene wi ekhalleke vamiitthoni va Apwiya ni orumeyella wa enthawi yoohimalla.

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Numeri 16:40

wi ddikhalle yawuupusella ya Aisraele. Nave wi arive muthu oyo ahiri mullupa mukutho, oyo ahiri mmodda mwa edduullu dda Aroni, ahaatamelle wi athuwihe lubani vamiitthoni va Apwiya wi ddihimmorelle ddoophwanaphwana ni nnddo ddammorenlle Kora ni mullokwaaye. Ddittheddene ddaheereya moollikana ni mmo Apwiya yamulleellelliiwa Eleazara oweella mwa Mose.

Numeri 16:35

Vano vaakhara munllo woovenyera wa Apwiya nave wahaashellelliha athu 250 alle yathuwiha mwiisi lubani.

Numeri 16:10

Ethiyo khadduukwakhwanelleni ddawi mulluku aawaakhullellani wi muwe vakhuviru ni olliye, nyuwaano ni abalaanyu Alevi ayo eri ni nyuwaano? Ethiyo munapaallattho mukhalle allupa mukutho?

Numeri 3:10

Omutthoolle Aroni ni anaaye wi ekhalle allupa mukutho. Koma arive muthu anaawaatamelle musasa wamutthukumano iiphiwe.”

Levitiko 8:33

Nave va mallapo matthanu ni meelli muhikhumelle otte wa musasa wamutthukumano, ophiyera mallapo a mutetho wa omuzoza mullupa mukutho emanlle vawi mutethoolla tti wa mallapo matthanu ni meelli.

Eksodo 40:15

Vano waazoze wonanko mmo waazozilleewe attiitthiiwa wi ekhalle allupa mukutho. Nave waamakellettho malaamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo naka noohimalla. Mmu sika onaamuzozelleewe Aroni ni anaaye.”

Aheberi 5:10

nave Mulluku aamutthoolla wi akhalle mullupa mukutho muullupalli wonanko Melkizedeki.

Eksodo 32:29

Vano Mose ahaalleella Alevaayo wi, “Ollellova mohiipatula weekhiinyu wi mukhalle allupa mukutho owaarumeyella Apwiya, voowiiphani aniinyu ni asinninyu. Sika Apwiya ahuudalisani ollello.”

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Levitiko 8:1

Apwiya yaallota ni Mose wi,

Levitiko 8:13

Vano Mose aawaana anamwani a Aroni, aawariha malaya, aamakella laamba muyuununi, aawariha enduwira omuruni. Sika Mose aheera ddittheddene moollikana ni mmo Apwiya yamulamulalliiwa.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Oweeruza 17:5

Mikooyo aakhalla ni enyumba yoovekellamo yaayeyaaye. Vano aasowa yoowara ya efodi* apanga mafano a mu enyumba ooromolliwa terafimu, iitthoollella mwanaye mmodda wi akhalle mullupa mukutho.