Eksodo 29:7 - Mawu a Mulluku

⁷ Sika okuse makhura oozozellaalle ni waahella vamuruni vaye wi omuzoze.

Eksodo 29:7 ပူးပေါင်းရင်းမြစ်များ

Numeri 35:25

Athu attheene emuvulluse oomwiipha mukhwaayooyo m'mattani mwa mbalaaye a awiiphiwooyo. Nave emuhokolloselle omuzindani woothawellawo nko athawenlleeye. Aneerokhalla wenko ophiyera mullupa mukutho muullupalli akhwille.

Levitiko 21:10

“Muthu oyo ari mullupa mukutho muullupalli oyo yamuzozilliiwa ni makhura navettho oyo apatuliwe wi aware ddoowara dda ddoopatuleya ahikhalle oohipesa apaalle waahulla ddoowara ddaye wooniha ethakaraka.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Masalimo 133:2

Onakhalla wonanko makhura oowallamella mutengo oohelliwa va muru, ookitthella veereruni, ereru dda Aroni, aweetellella ophiyera mukohi mwa mukanjwaaye.

Masalimo 89:20

Koomuphwanya Davide oorumeyellaaka, koomuzoza ni makhuraaka aweella.

Levitiko 10:7

Va enthawi yeella Muhinavenyavo va nthato na musasa wamutthukumano, woova wi munaakhwe vawi mwaazoziwa ni makhura a Apwiya.” Alliwa yaheera moollikana ni mmo Mose allotelleeye.

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

Levitiko 21:12

Ddeereya ddenndda ahikhume munipuroni naweella apaalle oripiha nipuro naweella na Mullukwaaye vawi makhura oomuzozella a Mullukwaaye ayo azozelliweeye eri va olliye. Mi tti Apwiya.

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”

Eksodo 40:13

Aronooyo omuwarihe ddoowara ddoopatuleya nave omuzoze ni omupatula wi ekhalle mullupa mukutho.

Levitiko 7:35

Yeeyo tti embali ya Aroni ni anaaye, yoovahulla va mikutho dda Apwiya ddawoosiwa viikho, va nllapo nno alliwa yatthoolliwiiwa wi ekhalle mullupa mukutho owaarumeyella Apwiya.