Eksodo 29:45 - Mawu a Mulluku

⁴⁵ Kineerokhalla variyari va Aisraele nave kineerokhalla Mullukwiiwa.

Eksodo 29:45 ပူးပေါင်းရင်းမြစ်များ

Levitiko 26:12

Kineereweeta variyari vanyu. Miyaano kineerokhalla Mullukwaanyu nave nyuwaano muneerokhalla athwaaka.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Eksodo 25:8

Nave ekimakelle musasa woopatuleya wi miyaano kikhalle variyari viwa.

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

Zekariya 2:10

Apwiya enallota wi, “Nyu a o Ziyoni, ipani moohakallalla vawi kinimawa nave kinaakhalle variyari vanyu.

Yohane 14:17

Yoolla tti Munepa a yawoona. Ellapo yavatthi khewora omwaakhella kaambiiwa athu a mu ellapo yavatthi khenamoona apaalle omudduwella. Koma nyuwaano munnamudduwella kaambiiwa ari ni nyuwaano nave anakhalla mwa nyuwaano.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Masalimo 68:18

Nyuwaano mwaawella oddullu, mwahaaphara athu anchichi monga amundende, mwahaakhella emphaso wa athu, naari wa athu oowukila, wi mwakhallekena wenko, nyu Apwiya Mulluku.

Eksodo 15:17

Munnaavollochiha nave munnaahiya vamwaangonaanyu, vanipuroni mvo nyu Apwiya mwapangilleenyu wi mukeraattheyevo, mu enyumbaanyu eyo mwayimakelleenyu.

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

Levitiko 26:11

Kineerokhalla variyari vanyu nave ngiwa kuuhiyani.

Numeri 5:3

Emuvenyihewo arive muthu awi ddiidda, mullopwana apaalle mutthiyana. Emukhumihelleke otte wa misasa wi ahiripihe misasa ddiwa vawi miyaano kinakhalla variyari va athwaaka.”

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Deuteronomo 12:11

Sika Apwiya eneerotthoolla nipuro noollapellavo wi ekeraatthihevo nnddina niwa nave muneerekowaana wenko ddittheddene kuulamulalleemini monga mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella ddoohiwatiheriwa navettho ddoovelleella ddanyu ddoollupella.

1 Mamwene 6:13

Nave kineerokhalla variyari va Aisraele, ngiwa kaahiya athwaaka Aisraele.”

Masalimo 114:2

Yuda aatthattuwa nipuro naweella na Apwiya, Israele aatthattuwa a mu omweniiwa.

Yeremiya 14:9

Kaambiiwa tini munakhalleenyu wonanko awiimella muru, wonanko akhoto oohiwora ovullusa? Komave nyu Apwiya muri variyari vahu, ninnadduwelliwa ni nnddina nanyu, muhinihiye weekhiihu.”

Daniele 2:11

Ello eyo enapaalla mwene tti yookatamihesesa. Khaavo anaawore owupullullellani koma millukuve nnddo ddinakhalla moorekamellana ni athu.”

Hagai 2:5

Nndda sika kuulonjezilleemini mukhumaka mu Iguputo. Munepaaka orive ni nyuwaano sika muhoove.

Numeri 16:3

Attheenaayo yaatthukumana vamodda nave yaamuwukila Mose ni Aroni, yaalleella wi, “Nyu mohoonjera! Athu attheene tti aweella, arive muthu m'mullokonimmu tti a Apwiya nave Apwiya eri variyari vahu. Kaambiiwa tini munaddeeseenyu oomukhwaranya arive muthu va mutthukumano wa Apwiya?”

Numeri 35:34

Muhiripihe ellapo eyo munakhalleenyumo, ellapo eyo miyaanottho kinakhalleemimo. Valle miyaano kinnakhalla variyari va Aisraele.”

2 Epilli 6:18

“Koma nyu Apwiya, ttuukhalla ni athu veellaponi yavatthimva? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

Ezekiele 34:24

Vano mi Apwiya kineerokhalla Mullukwiiwa nave oorumeyellaaka Davide aneerokhalla mweniiwa. Mi Apwiya koollota.”

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Ezekiele 43:9

Vano ehiye oraruwa wiwa, voollapellani milluku ddimodda nave evenyihevo mitembo ddamamwene ddiwa ddihikaatamelle. Nave kineerokhalla ni alliwa wa enthawi yoohimalla.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.