Eksodo 29:40 - Mawu a Mulluku

⁴⁰ Vamodda ni mwaanaankhosa awaambooyo, ovelleelleke ekilogaramu emodda ya othu waphaama woottakanyihera ni lita nimodda na makhura. Navettho wiithellelle lita nimodda na vinyo wonanko mukutho wayoowirya.

Eksodo 29:40 ပူးပေါင်းရင်းမြစ်များ

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Ezekiele 46:14

Makilogaramu araru a othu avelleelliweke vamodda ni enameeyo. Evelleelliwekettho lita nimodda a makhura awoottowiwa mu othooyo. Mukutho woovelleelliwa wa Apwiyoolla okhalle lamulo wa enthawi yoohimalla.

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”

Yesaya 57:6

Munaakusa malluku oosalala a mutapo munaallapella wonanko milluku. Munavelleella dda ddoowirya ni dda ddoocha. Ethiyo ddenndda ttuukiddivella?

Levitiko 23:13

Mukutho wa othu waphaama ni enkhoseeyo okhalle makilogaramu meelli a othu waphaama woottakanyihera ni makhura wi okhalle mukutho wawoosiwa viikho, wa nthuko nawaaddivella Apwiya. Nave muvelleelle mukutho wayoowirya yookwakhwana lita nimodda ni enkhoseeyo.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:9

Mikutho dda ddoocha ni dda ddoowirya khaddinavelleelliwa o enyumba ya Apwiya. Allupa mukutho eniminlla, oorumeyella a Apwiya.

Ezekiele 46:11

Va mallapo a ehakallallo ni va mallapo mamodda ootthoolliwa, ddoovelleella dda othu ddikhalleke ddookwakhwana makilogaramu 20 vamodda ni arive nankhoro a eng'ombe, makilogaramu 20 vamodda ni arive nankhoro a enkhosa koma va arive mwaanaankhosa avelleelleke mmo anaaworelleeye. Avelleellettho malita masese a makhura vamodda ni makilogaramu 20 a othu.

Ezekiele 46:7

Va arive nankhoro a enkhosa mwene avelleelleke vamodda ni othu wookwakhwana makilogaramu 20. Vamodda ni asaanankhosaalle mwenooyo avelleelleke othu mmo anaaworelleeye. Avelleellekettho malita masese a makhura va makilogaramu 20 a othu.

Ezekiele 46:5

Va arive nankhoro a enkhosa mwene avelleelleke vamodda ni othu wookwakhwana makilogaramu 20. Vamodda ni asaanankhosaalle mwenooyo avelleelleke othu mmo anaaworelleeye. Avelleellekettho malita masese a makhura va makilogaramu 20 a othu.

Ezekiele 45:24

Vamodda ni nankhoro a eng'ombe owaaka a enkhosa, mwenooyo avelleellekettho ddoocha ddookwakhwana makilogaramu 20 makhura ookwakhwana malita masese.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Ezekiele 4:11

Onaawiryeke makapu meelli amaaddi omodda vanllaponi.

Deuteronomo 32:38

Mwaaddichiha makhura a mikutho ddanyu, mwaaddiwiryiha vinyo. Vano ddiwettho wi dduukavihereni, ddaakuvettho wi dduutetezeni.’ ”

Numeri 29:16

Mumuvelleellettho nankhoro a epuri mmodda wi akhalle mukutho waweerella mutetho woopepesella machimwaanyu. Muvelleelle ddittheddenenndda woonjerera va mikutho dda nllapo ni nllapo, ddooshellelliha, dda othu ni dda yoowirya.

Numeri 28:24

Sika va mallapo matthanu ni meelli muvelleelleke nllapo ni nllapo mukutho wawoosiwa viikho, wa nthuko nawaaddivella Apwiya. Mumuvelleelle woonjerera va mikutho dda nllapo ni nllapo, ddooshellelliha ni ddoowirya.

Numeri 28:10

Olla sika mukutho wooshellelliha wa nirive nllapo na Sabata woonjerere va mikutho ddooshellelliha ni dda ddoowirya ddoovelleelliwa nllapo ni nllaponndde.

Numeri 28:5

Muvelleelleke ekilogaramu emodda ya othu waphaama woottakanyihera ni lita nimodda na makhura.

Numeri 15:24

yoochimweeyo yeereya moohikhalla mwaphudda, athu attheene yaahidduwella, sika athu attheene emuvelleelle mwaana a nankhoro a eng'ombe wi akhalle mukutho wooshellelliha wa nthuko nawaaddivella Apwiya. Evelleelle nimodda ni othu waphaama ni mukutho wayoowirya moollikana ni malamulo. Emuvelleellettho nankhoro a epuri wi akhalle mukutho woopepesella machimo.

Numeri 15:7

Va mukutho wa othu amuvelleellettho vinyo ookwakhwana nilita nimodda ni hafu na mukutho wayoowirya. Ddittheddenenndda ddikhalle mukutho wa nthuko nawaaddivella Apwiya.

Eksodo 30:24

makilogaramu matthanu ni nimodda a kesha (ddittheddenennddo moollikana ni yoolingella yoopatuleya). Nave waanjerere makhura a olivi ookwakhwana malita masese.

Eksodo 16:36

Makilogaramu meelli enallikana ni echigawo yaneekhumi ya yoolingella ya efa.

Genesis 35:14

Yakobo ahiimesa nlluku na yawuupuwella va nipuro nenno. Aavelleella mukutho wayoowirya vanllukunimvo nave aanizoza ni makhura.

Eksodo 29:39

Mwaanaankhosa mmodda omuvelleelleke ohinase nave mmodda misikuwa.

Eksodo 29:41

Vano waamuvelleellaka mwaanaankhosa aneepiillooyo misikuwa oweekena ni muyezo woophwanaphwana wa othu, makhura ni vinyo wonanko ohinase. Ddennddo ddikhalle mukutho wa nthuko nookiddivella, wawoosiwa viikho wa mi Apwiya.

2 Mamwene 3:20

Osaka wene, enthawi yoovelleella mukutho yaatamenlle, yahoona maaddi ekhumaka ovenyera o Edomu ophiyera nipuronno naaddalla ni maaddi.

Hoseya 9:4

Wenko athu khewa evelleella mikutho dda ddoowirya wa Apwiya. Kheyaahakallallihattho ni mikutho ddiwa. Yoochiiwa enaakhalle wonanko yoocha ya vamalironi. Attheene ayo enaache yoocha yeeyo eneeroripihiwana. Yoocheeyo enaakhalle yoochella ettalla oohikhalla yawi ttuuvelleella wa Apwiya.

Levitiko 6:13

Munllo wa vanikuwanimvo okhalleke wookhara, ohithiimeke.

Numeri 4:16

Eleazara mwaana a Aroni apwatheke makhura a enyali, lubani,* mukutho wa othu woovelleelliwa nllapo ni nllapo ni makhura oozozella. Epwathekettho musasa wamutthukumano ni ddittheddene dda muwari mwiwa navettho ni ezipangizo ddiwa.