Eksodo 29:38 - Mawu a Mulluku

³⁸ “Enthawi ddittheddene nllapo ni nllapo, ovelleelleke asaanaankhosa eelli a muyakha mmodda va nikuwa.

Eksodo 29:38 ပူးပေါင်းရင်းမြစ်များ

1 Epilli 16:40

Aahiyalle wenko wi enthawi ddittheddene evelleelleke mikutho ddooshellelliha ohinase ni misikuwa, voothwarani ddittheddene ddalembiwe mu nibukhu na malamulo a Mose ayo Apwiya yaalamulalliiwa Aisraele.

Daniele 12:11

Ovenyera enthawi eyo mikutho dda nllapo ni nllapo ddinaahiihiwiiwa nave Yoonanara Yawoononga enaakeraattheyiiwa, vinaavire enthawi wonanko mallapo 1, 290.

2 Epilli 31:3

Nave ddoovelleella dda mwene ovenyera o eyuumaaye ddaari mikutho ddooshellelliha dda ohinase dda misikuwa, dda masabata ni dda Ehakallallo ya Wooneya wa Mweeri ni dda ehakallallo ddimodda moollikana ni mmo ddalembelliwiiwa m'malamuloni a Apwiya.

2 Epilli 13:11

Ennavelleella wa Apwiya mikutho ddooshellelliha orive ohinase ni orive misikuwa. Ennoosa lubani* na nthuko naphaama nave ennamuhiyattho buledi oovelleella va tebulo a golide aphaama navettho ennapwatha yoohiyavo enyali yagolide wi enyali ddiwa ddikhareke orive misikuwa vawi ninniiwellella nnddo enanilamula Apwiya Mullukwaahu koma nyu mohaahiya.

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”

Ezara 3:3

Yaamakattho nikuwa vanipuroni viwa vakhalle naari yawoovaka athu yakhalla mwiillaponimmo. Nave yaavelleella mikutho ddooshellelliha wa Apwiya ohinase ni misikuwa.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.

Aheberi 7:27

Khanaphwanaphwana ni allupa mukutho uullupalli akhallaalla vawi khanapaallattho wi aheraatthiki mukutho nllapo ni nllapo wa machimwaaye vawaamba nave wa machimo a athu. Aaheraatthi mukutho omodda nave yooyo waari wa mallapo mattheene iiheraatthilleeye mwaneenaaye.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Daniele 9:21

Kivekellaka ddiiddo, mungelo Gabriele olle akooneyelle khalle m'masomphenya aawa wa miyaano avavaka mwawaakuva. Ella yaari enthawi yoovelleella mukutho wamisikuwa.

Genesis 22:7

Vano Isaki aawiithana attiitthinnya wi, “Attiitthi.” Abrahamu ahaakhulla wi, “Ee, mwanaka.” Isaki aakoha wi, “Munllo ni ekhuni kinnaddoona, ddookhallavo koma mwaanaankhosa awoosella mukuthooyo ari wuuwi?”

Eksodo 40:29

Nave aahiya nikuwa na mukutho wooshellelliha vahoollo va mullako wa musasooyo. Va nikuwa nenno, aavelleellavo mukutho wooshellelliha navettho mukutho wa othu moollikana ni mmo Apwiya yamulamulelliiwa.

Levitiko 3:5

Vano anamwani a Aroni eshellellihe ddittheddenennddo vanikuwani ni mukutho wooshellelliha oyo ori vakhunini viikhomvo. Yooyo sika mukutho wawoosiwa viikho, wa nthuko nawaaddivella Apwiya.

Levitiko 6:9

aalleelle Aroni ni anaaye wi, “Malamulo a mukutho wooshellelliha tti awi, mukuthooyo okhalleke viikho vanikuwani mahiiyu mattheene ophiyera ohinase nave munllo wa vanikuwanooyo ohithiimihiwe.

Numeri 29:6

Muvelleelle ddittheddenenndda woonjerera va mukutho wooshellelliha ni mukutho wa othu woovelleelliwa nllapo nawaamba na mweeri navettho va mikutho dda nllapo ni nllapo, ddooshellelliha, dda othu ni dda yoowirya moollikana ni mutethwiiwa wi ddikhalle mikutho ddawoosiwa viikho, dda nthuko nawaaddivella Apwiya.

2 Epilli 8:13

monga mikutho dda nllapo ni nllapo navettho mikutho ddimodda moollikana ni malamulo a Mose monga dda masabata, dda Ehakallallo ya Wooneya wa Mweeri, dda mallapo mararu a ehakallallo a muyakha ni muyakha, dda Ehakallallo ya Buledi Oohikhalla ni Yisiti, dda Ehakallallo ya Milungu ni dda Ehakallallo ya Misasa.

Ezara 3:5

Vatulli viwa, yaanavirellella ovelleella mikutho ddooshellelliha mwa enthawi ddittheddene ddoovelleella dda Ehakallallo ya Wooneya wa Mweeri ni dda mallapo mattheene a machellello a Apwiya yakeraatthihiwe navettho ddoovelleella dda arive muthu wa Apwiya mwa opaalla waye.

Levitiko 9:17

Avelleellatho mukutho wa othu, avahullawo mukuthooyo wooddalla nnatta nimodda ashellelliha vanikuwani, woonjerera va mukutho wooshellelliha woohinase.

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.

2 Epilli 29:7

Yaawalla machiwi a nikhote ethiimiha enyali nave kheyaawoosille lubani* apaalle ovelleella mikutho ddooshellelliha mu nipuro naweella wa Mulluku a Israele.

Ezekiele 46:13

“Nirive nllapo ohinase, mwaanaankhosa a muyakha mmodda oohirakalla avelleelliweke wa Apwiya.

Ezekiele 46:15

Sika mwaanaankhosa, othu ni makhura ddivelleelliweke orive ohinase wi ddikhalle mikutho ddooshellelliha enthawi ettheene.”