Eksodo 29:29 - Mawu a Mulluku

²⁹ “Ddoowara ddoopatuleya dda mukutho dda Aroni ddikhalle dda edduullu ddaye olliyooyo akhwa wi edduullunnddo ddiwareke ddaazoziwaka ni waakhella odindwiiwa.

Eksodo 29:29 ပူးပေါင်းရင်းမြစ်များ

Numeri 18:8

Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Numeri 35:25

Athu attheene emuvulluse oomwiipha mukhwaayooyo m'mattani mwa mbalaaye a awiiphiwooyo. Nave emuhokolloselle omuzindani woothawellawo nko athawenlleeye. Aneerokhalla wenko ophiyera mullupa mukutho muullupalli akhwille.

Eksodo 40:15

Vano waazoze wonanko mmo waazozilleewe attiitthiiwa wi ekhalle allupa mukutho. Nave waamakellettho malaamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo naka noohimalla. Mmu sika onaamuzozelleewe Aroni ni anaaye.”

Eksodo 30:30

Nave omuzoze Aroni ni anaaye ni waapatula wi ekhalle allupa mukutho.

Eksodo 28:2

Omusowelle muullupallaawo Aroni ddoowara ddoopatuleya wi ooneyeke phaama navettho wi avahiweke olemu.

Eksodo 29:28

Aisraele yavelleella mikutho ddeeyaattano, ddenndda ddikhalle dda Aroni ni anaaye enthawi ddittheddene vawi tti ddoovelleella dda Aisraele wa Apwiya.

Eksodo 29:30

Mwaana a Aroni oyo anaavollowe munipuroni mwaye wi akhalle mullupa mukutho muullupalli awareke ddenndda mallapo matthanu ni meelli aavollowaka m'musasani wamutthukumano wi arumeyelle munipuroni naweella.

2 Epilli 13:9

Ethiyo nyu khemwaawiikarihalle allupa mukutho a Apwiya, anamwani a Aroni ni Alevi mwiitthoollella allupa mukutho wonanko mmo eneerella athu amodda amwiillaponimmo? Arive muthu anawa wi iivelleelle yeekha ni nankhoro a eng'ombe apaalle anankhoro atthanu ni eelli a enkhosa annakhalla mullupa mukutho a ddeko nnddo ddihiri milluku.

Levitiko 8:1

Apwiya yaallota ni Mose wi,

Levitiko 16:32

Mullupa mukutho oyo azoziwe ellihiwa wi akhalle mullupa muullupalli munipuroni na attiitthinnya sika anaaweere mutetho woopepesella machimo, awanre ddoowara ddabafuta ddoopatuleya.