Eksodo 29:14 - Mawu a Mulluku

¹⁴ Koma enamiiwa, nttapara niwa ni marupwiiwa waashellellihe otte wa misasa. Yoovelleella yeella tti ya mukutho woopepesella machimo.

Eksodo 29:14 ပူးပေါင်းရင်းမြစ်များ

Levitiko 4:21

Vano eng'ombeeyo ekhumihelliwe otte wa misasa nave eshellellihiwe wonanko mmo yeerelliiwa ni wawaamboolle. Yooyo sika mukutho woopepesella machimo wi mpingo muttheene okhululukelliwe.

Ezara 8:35

Enthawi yeeyo ayo yahokollowille wuukaporoni yaavelleella mikutho ddooshellelliha wa Mulluku a Israele. Yahaavelleellella Aisraele attheene anankhoro a eng'ombe khumi ni eelli navettho anankhoro a enkhosa 96, asaana a enkhosa 77 ni anankhoro a epuri khumi ni eelli wonanko mukutho woopepesella machimo. Ddittheddenenndda waari mikutho ddooshellelliha ddoovelleelliwa wa Apwiya.

2 Epilli 29:24

Vano allupa mukutho yaawiipha anankhorwaayo evelleella nikhame niwa va nikuwa monga mukutho woopepesella machimo a Aisraele attheene. Vawi mwene aalamula wi mukutho wooshellelliha ni woopepesella machimo ddeereye ekaamba ya Aisraele attheene.

Eksodo 30:10

Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”

Numeri 7:16

Aavelleellattho nankhoro a epuri emodda wi okhalle mukutho woopepesella machimo.

Levitiko 16:27

Eng'ombe ni epuri ddoovelleellella mukutho woopepesella machimoolle, nndde nikhame niwa awiilleeyena wi eerelle mutetho woopepesella nipuro naweellesesa, addikhumihelle otte wa misasa. Ashellellihe mattapariiwa, enama ddiwa ni marupwiiwa.

Levitiko 16:11

“Aroni aweena nankhoro a eng'ombe emodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. Vano ayiiphe eng'ombeeyo wi ekhalle mukutho woopepesella machimwaaye.

Levitiko 16:3

Koma Aronooyo avolloweke mu nipuro naweellesesanno amukusalle musaana a nankhoro a eng'ombe wi akhalle mukutho woopepesella machimo ni nankhoro a enkhosa wi akhalle mukutho wooshellelliha.

Levitiko 9:2

Aamulleella Aronooyo wi, “Omukuse musaana a nankhoro a eng'ombe wi akhalle mukutho woopepesella machimo nave nankhoro a enkhosa wi akhalle mukutho wooshellelliha. Ddittheddenennddo ddikhalle ddoohirakalla nave oddivelleelle wa Apwiya.

Levitiko 8:17

Koma nttapara na nankhoro a eng'ombe ni muhehe, muru, meto, marupo ni marupwiiwa ddittheddenennddo addishellellihe otte wa misasa moollikana ni mmo Apwiya yamulamulalliiwa Mose.

Levitiko 6:25

aalleelle Aroni ni anaaye wi, “Malamulo a mukutho woopepesella machimo tti awi, vanipuroni mvo viniiphelliwa enama ya mukutho wooshellelliha, yiiphellevottho enama ya mukutho woopepesella machimo wa Apwiya. Yooyo tti mukutho waweella wunchichi.

Levitiko 5:8

Aweena wa mullupa mukutho nave mullupa mukuthooyo aambe ovelleella epallame yoopepesella machimweeyo. Ayinyokotholle nikohi koma ahiyiphadde muru,

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Levitiko 4:32

“Muthu awa wi avelleelle enkhosa ya mukutho woopepesella machimo, enkhoseeyo ekhalleke yaamutthiyana, yoohirakalla.

Levitiko 4:29

Vano atthinddaanyere nnatta naye va muru wa epuri yoopepesella machimweeyo nave ayiiphella vanipuroni mvo eniiphelliiwa mukutho wooshellelliha.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 4:3

“Oochimooyo akhalla mullupa mukutho muullupalli sika oowutthattusa mpingo muttheene okhalla woochimwa. Vano aamuheraatthiki wa Apwiya nankhoro mung'onong'ono eeng'ombe yoohirakalla, ekaamba ya ochimwa wayenko. Yooyo sika mukutho woopepesella machimo.

Numeri 19:5

Eng'ombeeyo eyoose Eleazara oonaka. Yoose nttapara, enama, nikhame ni marupwiiweene.

Ezekiele 43:21

Vano omukuse nankhoro a eng'ombe oyo avelleelliwe monga mukutho woopepesella machimo. Omoose vanipuroni viwa mu nthato na enyumba ya Apwiya, otte wa nipuro naweella.

Malaki 2:3

Ngoonani, kineerollaka edduullu ddanyu nave kineerewuumarani owiitthoni mashi a eziweto dda mikutho dda ehakallallo ddanyu nave muneerowollelliwa nimodda.