Eksodo 29:10 - Mawu a Mulluku

¹⁰ “Vatulli viwa oweena nankhoro a eng'ombe vahoollo va musasa wamutthukumano. Nave Aroni ni anaaye etthinddaanyere mattiiwa va muru wa nankhorooyo.

Eksodo 29:10 ပူးပေါင်းရင်းမြစ်များ

Levitiko 8:14

Vatulli viwa Mose aawaana nankhoro a eng'ombe ya mukutho woopepesella machimo nave Aroni ni anaaye yaatthinddaanyera mattiiwa va muru wa nankhorooyo.

Levitiko 1:4

Vano atthinddaanyere nnatta naye va muru wa eng'ombeeyo nave eneerowaakhelliwa wi ekhalle mukutho wooshellelliha woopepesella machimwaaye.

Eksodo 29:19

“Nave okuse nankhoro a enkhosa emoddeeyo. Aroni ni anaaye etthinddaanyere mattiiwa vamuru wa enkhoseeyo.

Eksodo 29:15

“Omukuse mmodda mwa anankhoro a enkhosa eelli nave Aroni ni anaaye etthinddaanyere mattiiwa va muru wa enkhoseeyo.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Levitiko 16:21

Vano Aroni atthinddaanyere mattaaye va muru va epureeyo nave aawululelle va epureeyo oripihiwa wa Aisraele, ohiiwellella wiwa nave machimwiiwa mattheene. Machimwaayo aahiye va muru va epureeyo nave muthu yamutthonlliiwa evallallella ayiikarihelle epureeyo ochipululuni.

Levitiko 8:18

Vatulli viwa aavelleella nankhoro a enkhosa ya mukutho wooshellelliha nave Aroni ni anaaye yaatthinddaanyera mattiiwa va muru va enkhoseeyo.

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

Eksodo 29:11

Nave oyiiphe eng'ombeeyo vamiitthoni va Apwiya, vakhuviru ni mullako wa musasa wamutthukumano.

Numeri 8:12

Vatulli viwa Alevaayo etthinddaanyere mattiiwa va miru dda anankhoro a eng'ombe nave weyaano ovelleelle eng'ombe emodda wi ekhalle mukutho woopepesella machimo emoddeeyo ekhalle mukutho wooshellelliha wa Apwiya weera mutetho woopepesella machimo a Alevi.

Ezekiele 43:23

Waneellihesesa nikuwanno omuvelleelle nankhoro a eng'ombe oohirakalla owaaka nankhoro a enkhosa oohirakalla.

Levitiko 4:4

Mullupa mukutho muullupallooyo aweena eng'ombeeyo va mullako wa musasa wamutthukumano vamiitthoni va Apwiya. Vano atthinddaanyere nnatta naye va muru wa eng'ombeeyo nave ayiiphe eng'ombeeyo vamiitthoni va Apwiya.