Eksodo 28:29 - Mawu a Mulluku

²⁹ “Nave Aroni aavollowaka munipuroni naweella, awareke yoowara ya vakhakaddani yaweeruzella yoolembiwa manddina mattheene a anamwani a Aisraele wi mi Apwiya kiwuupuwelleke.

Eksodo 28:29 ပူးပေါင်းရင်းမြစ်များ

Eksodo 28:12

Ohiye malluku meellaalla va malaamba a vamathurini a efodi, wonanko yawuupusella ya Aisraele. Mwa ettilla yeella, Aroni aneerekewaatukhulla manddinaayo vamathurini nave mi Apwiya kineerekowuupuwella.

Eksodo 28:30

Mu yoowara ya vakhakaddaneeyo ohiyemo ddeko ddooromolliwa Urimu ni Tumimu* wi ddennddo ddikhalle vakhakaddani ya Aroni aawaaka wa mi Apwiya. Sika Aroni aawaaka vamiitthoni va mi Apwiya awareke enthawi ddittheddene yoowara ya vakhakaddani wi adduwelleke oweeruza phaama Aisraele.

Aroma 10:1

Asinnaka ni arokoraka, kinnapaalla ni murimaaka muttheene nave kinnavekella wi athwaaka evullusiwe.

Yeremiya 30:21

Oolamulella anaakhalle mmodda a alliwa, oohoollella anaavenyera variyari viwa. Kineeromususihella vakhuviru ni miyaano, olliye aneerewaatamana ni miyaano. Ttaani anaallipe murima wi aatamane ni mi?

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

Eksodo 28:15

“Osowe yoowara ya vakhakaddani yaweeruzella nave yoopetiwa mweeruso. Epangiwe wonanko efodi, sika ottaphullella wi mapangello a olusi wagolide ni a mapururu abululu ooreera oofiira ni oofiira navettho a ekuwo yabafuta aphaama.

Eksodo 28:28

Sika omakellelle emphete dda yoowara ya vakhakaddaneeyo o emphete dda yoowara ya efodeelle ni mukwe wabululu wi yoowara ya vakhakaddaneeyo ekhalle vaddullu va laamba oolluwiwa mweerusoolle nave wi yoowara ya vakhakaddani emakellelliwe phaama o yoowara ya efodi.