Eksodo 28:2 - Mawu a Mulluku

² Omusowelle muullupallaawo Aroni ddoowara ddoopatuleya wi ooneyeke phaama navettho wi avahiweke olemu.

Eksodo 28:2 ပူးပေါင်းရင်းမြစ်များ

Levitiko 8:30

Vano Mose aakusa makhura oozozellaalle ni nikhame nno naari vanikuwani, ammidda Aroni ni ddoowara ddaye navettho anaayaalle ni ddoowara ddiwa. Mmu tti mmo Mose amweellihelleeye Aroni ni ddoowara ddaye navettho anaaye ni ddoowara ddiwa.

Eksodo 31:10

ddoowara ddaphaama wunchichi ni ddoopatuleya dda Aroni ni anaaye enaawarekiiwa voorumeyellani,

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

Yobu 40:10

Ddaarimi ddiri ddiiddo ireerihe ni omwene ni oriiheya, iwarihe weekha olemu wunchichi.

Eksodo 28:40

Waasowelle anamwani a Aroni mikanjo, malaamba ni enduwira wi alliwaayo yooneyeke phaama navettho evahiweke olemu.

Yawuupullulla 5:10

Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

2 Petro 1:17

Vawi aavahiwa ntitimiho ovenyera wa Mulluku Attiitthinnya, oyo anaromolliwa wi Ntitimiho Nuullupalli nave oyo allotille wa olliye wi, “Olla sika Mwanaka ookondiwa, mwa olliye kinnahakallalla wunchichi!”

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Agalatiya 3:27

Mwaabatiziwa mwawaattana ni Khrisitu nave vano moowara okumi wa Khrisitu wonanko yoowara yanaanweene.

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yesaya 4:2

Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Masalimo 132:16

Allupa mukuthwaaye kineerewaawariha ovullusa oororomelleyaaye eneerokhuwa moohakallalla.

Masalimo 132:9

Allupa mukuthwaanyu ekhalle eechilungamo, oororomelleyaanyu ekhuwe moohakallalla.

Masalimo 96:6

Ntitimiho ni omwene ddiri vamiitthoni viwa, masiva ni oreera ddiri mpa mwiwa.

Eksodo 40:13

Aronooyo omuwarihe ddoowara ddoopatuleya nave omuzoze ni omupatula wi ekhalle mullupa mukutho.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Eksodo 29:28

Aisraele yavelleella mikutho ddeeyaattano, ddenndda ddikhalle dda Aroni ni anaaye enthawi ddittheddene vawi tti ddoovelleella dda Aisraele wa Apwiya.