Eksodo 28:1 - Mawu a Mulluku

¹ “Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Eksodo 28:1 ပူးပေါင်းရင်းမြစ်များ

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

1 Epilli 6:10

Yohanani aamuyara Azariya (olla tti mullupa mukutho mu enyumba eyo Solomoni amakilleeye o Yerusalemu).

Deuteronomo 10:6

“(Aisraele yaavenyawo o Beeroti Bene Yaakani, eya o Mosera. Aroni akhwelle ni ovitthiwa wenko nave mwanaye Eleazara sika avollowille munipuroni mwaye akhalle mullupa mukutho.

Numeri 26:61

Nave Nadabu ni Abihu yaakhwa ekaamba yawi yaavelleella munllo woohaakhullelliwa vamiitthoni va Apwiya.

Numeri 2:4

nave akhotwiiwa tti 74,600.

Levitiko 10:12

Mose aamulleella Aroni ni anaaye oohallaalle, Eleazara ni Itamara wi, “Kusani mukutho wa othu oyo ohanlle va mikutho ddawoosiwa viikho ddoovelleelliwa wa Apwiya nave muche woohikhalla ni yisiti vakhuviru ni nikuwa vawi yoolla tti woopatuleya wunchichi.

Levitiko 10:1

Anamwani eelli a Aroni, Nadabu ni Abihu yaakusa yoothuwihella mwiisi wa lubani* ehellamo mankhalla amunllo. Vamankhallanimvo yaahellavo lubani nave yaavelleella wa Apwiya munllo woohaakhullelliwa oyo yahilamuliwiiwa.

Levitiko 8:2

“Omukuse Aroni ni anaaye. Okusettho ddoowara dda allupa mukutho, makhura oozozella, nankhoro a eng'ombe ya mukutho woopepesella machimo, anankhoro a enkhosa eelli navettho mutaanga wa buledi oohikhalla ni yisiti.

Eksodo 35:19

ddoowara ddaphaama wunchichi dda athu oorumeyella munipuroni noopatuleya navettho ddoowara ddoopatuleya dda Aroni ni dda anaaye enaawarekiiwa voorumeyellani.”

Eksodo 31:10

ddoowara ddaphaama wunchichi ni ddoopatuleya dda Aroni ni anaaye enaawarekiiwa voorumeyellani,

Eksodo 30:30

Nave omuzoze Aroni ni anaaye ni waapatula wi ekhalle allupa mukutho.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

Eksodo 29:9

Nave waamakellettho laamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo wa enthawi yoohimalla. Mmu sika onaamuzozelleewe Aroni ni anaaye.

Eksodo 29:1

“Voomuzozani Aroni ni anaaye wi ekhalle allupa mukutho, okuse nankhoro a eng'ombe ni anankhoro a enkhosa eelli oohirakalla.

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

Eksodo 24:9

Sika Mose, Aroni, Nadabu ni Abihu navettho oohoollella 70 a Aisraele yaawella mwaango

Eksodo 24:1

Apwiya yaamulleella Mose wi, “Ngawa wa miyaano omwaangoni wuno ni Aroni, Nadabu, Abihu navettho oohoollella 70 a Aisraele. Vano mukillapelleke miyaano muri voorekamella.

Eksodo 6:23

Aroni aamutthella Eliseba, mwaana a Aminadabu nave murokoriye a Nashoni. Eliseba aamuyara Nadabu, Abihu, Eleazara ni Itamara.

Luka 1:8

Nllapo nimodda Zakariya aarumeyella mu enyumba ya Mulluku vawi yaari enthawi ya mullokwaaye wi orumeyelle.

2 Epilli 11:14

Vawi Alevi yaahiya mapurwiiwa oochihellamo eziweto nave yaaya o Yuda ni o Yerusalemu ekaamba yawi Yerobowamu ni anaaye yaari yaahiihalle mutteko wookhalla allupa mukutho a Apwiya

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.

1 Epilli 23:13

Amuramu aamuyara Aroni ni Mose. Aroni aapatuliwa wi awehereke ddeko ddaweellesesa mwawi olliye ni anaaye yavelleellesesa mikutho ddawoosa lubani* vamiitthoni va Apwiya ni orumeyella ni waadalisa athu mu nnddina na Apwiya wa enthawi yoohimalla.

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

Levitiko 7:35

Yeeyo tti embali ya Aroni ni anaaye, yoovahulla va mikutho dda Apwiya ddawoosiwa viikho, va nllapo nno alliwa yatthoolliwiiwa wi ekhalle mullupa mukutho owaarumeyella Apwiya.

Levitiko 8:1

Apwiya yaallota ni Mose wi,

Deuteronomo 18:5

Apwiya yahaatthoolla athu a nlloko na Levi variyari va mallokwaanyu mattheene wi ekhalleke vamiitthoni va Apwiya ni orumeyella wa enthawi yoohimalla.

1 Epilli 6:34

mwaana a Elikana, mwaana a Yerohamu, mwaana a Eliyele, mwaana a Towa,

Masalimo 115:10

We nibanja na Aroni aroromelle Apwiya, Apwiya sika awuukaviheraawo ni awuutetezaawo.